2011年8月24日星期三

香橙雪芳蛋糕 Orange Chiffon Cake

        又係清蛋白、整雪芳嘅時間喇!今次專登為 Bill 整咗個香橙雪芳蛋糕,因為之前我問過佢有咩鍾意食,佢就話鍾意食橙囉,咁所以我就試吓整呢個雪芳蛋糕,星期五同佢上堂時就帶埋過去俾佢。



雪芳蛋糕

材料:
低筋麵粉      80
蛋白             4
蛋黃             3
                50
橄欖油          25 毫升

橙酒             1 茶匙
鮮榨橙汁      60 毫升
橙皮茸         1 個橙份量


- 麵粉過篩 3 次;他他粉加入蛋白內,用電動打蛋器打至起泡。

- 將其中 30 糖分 3 次加入,打成蛋白霜,之後放入雪櫃保存。

- 蛋黃加糖,用電動打蛋器以低速拌勻,之後分別拌入橄欖油、橙酒同橙汁。

- 篩入麵粉,加埋橙皮茸,拌勻成麵糊。

- 1/3 份蛋白霜加入麵糊內,低速拌勻,之後加入剩低嘅蛋白霜,用膠刮拌勻。

- 將麵糊倒入模內,然後喺枱面輕敲數下,釋出較大氣泡。

- 放入已預熱至 180 °C 嘅焗爐內焗約 25 - 30 分鐘,出爐後立即倒扣攤凍。

- 蛋糕脫模備用。
 
橙酒糖霜

材料:
糖霜             100
橙酒             1 湯匙

                1 - 2 茶匙

- 先將糖霜同橙酒倒入細煲內,再逐小加水拌勻。

- 用慢火略為加熱至接近 34 °C

- 當煮到黏稠時,趁熱將糖霜倒上蛋糕面,待糖霜凝固之後即可切件享用。

以上材料份量可做直徑 17 厘米蛋糕 1 個。

食譜出自福田淳子嘅《好吃戚風蛋糕輕鬆上手》。


 

成個蛋糕,表面嗰層糖霜先至係精緒,
如果無咗佢,肯定大大失色!
 
 
 
 
 
 
勁橙味呀!如果你係 "橙精" 的話,咁你一定要試吓喇!


 
 
 
Notes
-
原食譜中糖嘅用量為 70 ;而橄欖油用量為 35 毫升。

-
蛋白霜拌入麵糊時必須輕手,以免消泡,影響蛋糕膨脹。

-
食譜提到,橘類果汁容易令蛋白霜消泡,所以我自己就加入少少他他粉,令到蛋白
 
霜比較穩定。

-
煮糖霜時切勿煮過火,否則會變稀之餘,顏色亦會變成透明。
 
 
 

9 則留言:

  1. 請問你有沒有自家做過麵呢?我想參考一下..
    [版主回覆08/25/2011 02:23:00]         無呀,因為我無麵條機。其實我一直都好想試試 o架!

    回覆刪除
  2. 我好鐘意橙味架!
    [版主回覆08/28/2011 17:19:00]         嗯,同道中人喎!

    回覆刪除
  3. 請問點解我見人整雪芳蛋糕一定要用中間有洞既盤 ( 威風模 ) ?
    如果用圓形蛋糕盤 , 而唔用中間有洞既 , 咁得唔得呢 ?
    [版主回覆08/28/2011 17:29:00]        因為雪芳蛋糕麵糊膨脹時係要依附住模壁向上 "爬",亦因為呢個原因,所以雪芳模係唔可以搽油!         如果用普通模的話,中間部份可能會因為無 咗支撐而好難向上爬,或會形成中間 發得唔夠高。但係如果妳唔用中空模,用一個比較細 嘅普通模整應該問題不大,因為外圍麵糊有足夠力量將中心部份扯高,如果用太大模的話就未必得喇!         其實我用 嘅雪芳模只係得 4.5 吋大,所以每次用兩個模都裝唔哂所有麵糊,剩低 嗰少少麵糊我必定係用一個方形細 muffin 紙模裝起,所以焗出 嚟都無問題。妳可以試試用妳手頭上現有蛋糕無整一次睇 吓得唔得呀!

    回覆刪除
  4. 整得超靚呀!
    放心吧, 橙汁和皮茸係不會令麵糊消泡的, 隔左橙汁中的渣就更好了.
    [版主回覆08/28/2011 17:18:00]        都唔係好靚呀,因為脫模係我個死穴,成日整爛個蛋糕,好彩今次有糖霜遮住睇唔到!         點解橙都幾酸 o架,反而又唔會消泡呢!?         係呢 Moon 哥,我有 嘢想你指點一下呀,我早前整 咗  Baguette ,但唔知點先叫做做得好與唔好,成日都聽到你 哋話好難整,所以我都想請教你我呢個法包做成點!

    回覆刪除
  5. 呢個我鐘意...掟返個黎啦...
    [版主回覆08/28/2011 17:09:00]        哈哈,我呢排好忙,依家先得閒覆妳,所以個蛋糕已經化渣 lu!  不過唔緊要,呢個應該都會間唔中整,因為我係橙精嘛!到時妳記得接住我掟過 嚟 嘅蛋糕喇!

    回覆刪除
  6. 即試...
    [版主回覆08/28/2011 17:06:00]        唔通妳都係 "橙精"!?

    回覆刪除
  7. 大佬!我留曬口水啦
    [版主回覆09/01/2011 00:28:00]        咁誇張!?咁有無俾自己 啲口水 浸嚫呀!!

    回覆刪除
  8. 對不起, 打擾一下.... 請問妳家的蛋糕, 是否仍然是用 樂聲的多功能微波爐整的呢... 最近很想買一個, 可惜怕底火問題影響蛋糕升高.....想參考一下耶~ 不好意思啊~ 
    [版主回覆09/05/2011 18:33:00]        Tammy,唔駛咁客氣,大家交流交流嘛!         無錯,我都係仍然用 嗰款爐 焗蛋糕呀,妳唔駛怕無底火而影響蛋糕膨脹,絕對無問題 o架!反而無 咗 上發熱線,焗蛋糕時會比較濕同無咁金黃,不過最近我研究到,每次都開埋頂 嗰 幾枝石英管先焗 5 分鐘,問題已經完全解決喇!         不過呢個爐都幾貴喎,妳係咪真係咁需要用微波功能?如果唔係的話,買番普普焗爐會經濟好多呢!         下次留言記得用個 "你" 字而唔係 "妳" 喎!

    回覆刪除
  9. 親愛的 "你" , 很感謝很感謝你無私的心得分享啊 ~ 呵呵, 真的很貴耶, sv30 那款貴, $5,600左右~ cs599s 的, 電器鋪賣 2,950....... 貴啊~ 真的蠻貴呢~ 考慮半個月了 , 也想過買淘寶哪些~ 對我來說啊, 變頻微波 , 烤焗功能最為重要, 國內美的有出一款比 sv30還強勁的~ 一看之下不得了啊~  美的 ah032ax5   ....要命啊, 7千人仔 ! 7千人仔還有人買呢...... 一看之下, 心內釋懷了 ~ 5千多的樂聲算什麼 .....嘿嘿嘿..... (雖然心內是這樣子想法, 可是我仍然是一個貧窮人家 ~ ) 也看過有人訂購日本的新式蒸汽微波烤爐 (連好像才2千多港元左右罷 )....可是煩啊, 變壓器好像鹽水袋的一世跟著.....用得極不過癮呢~ 焗爐及微波爐其實也有用緊的, 想把舊的微波爐搬去家人公司, 家中添置一部新款些的 ~  可是 size 都不合呢 ...所以打算買部多功能的, 焗爐也不要了, 省位得多了 .....下刪千字..... 最近都把自家的焗爐模擬一下只有上火功能的烤焗一下戚風蛋糕....不太成功呢...... 難怪了, 看你家的, 底部焗好是金黃金黃的,  原來熱力都是從側面來 ~ 再一次啊, 真的感謝你的分享呢~  
    [版主回覆09/06/2011 01:20:00]        哈哈,今次唔駛變性喇!         乜原來「美的」都有出到類似產品呀,真係唔知喎,個樣都幾似「樂聲」喎!不過要成七千人仔,搵鬼買咩!!         從日本訂購,麻煩之餘,又無代理保養喎!         若果妳係有用開微波爐同焗爐的話,咁呢類多功能微波爐真係 啱 妳用呀,既方便、又慳位,一部攪掂哂!         一般焗爐剩係用上火焗係唔得 o架,個面會好快熟及乾硬,但個心同底就會完全唔熟,我呢部爐主要係靠熱風運行,依家好多傳統發熱線 嘅 焗爐都會有埋熱風,將熱力均勻打到每一角落。         都話唔駛咁客氣囉,我都只不過係盡我所知講俾妳聽 啫!         等妳好消息呀!

    回覆刪除