拍黃瓜木耳涼拌粉皮

        其實想整呢個冷盤好耐㗎喇，不過有時又要趁某啲食材未到期之前要先整咗佢，有時就因為餸菜配搭關係就唔到。好喇，時機到喇，買好哂料整，天氣就即刻變得咁清涼，真係俾佢激死！   

        整涼拌青瓜都唔係第一次，但係用木耳整涼菜都真係首次咋！估唔到木耳原來都好容易索味，加埋爽脆口感，超好食喎！

 

偷懶版泡菜

        真係好鍾意食泡菜，已經整過好多次，但係每次整得唔多，食唔到幾多次就已經食哂！今次一於一次過整多啲，食個夠吧！！

 

        由於料多，功夫都自然多，所以今次用咗個較為懶嘅方法，係跟韓國 Maangchi 姨個 “easy kimchi” 方法去整，至於材料份量，我就跟番我之前用開嗰個食譜。

 

 

西檸煎素雞

           攪錯呀，又多一個學生停學！？！？攪乜呀！！！！！

        噚日晏晝收到中心同事嘅電話，話俾我聽我學生喺學校跌嚫，整傷咗隻手彈唔到琴，要停學一段時間；之後 Miss 個學生跟我學 aural，10 月頭就考試喇，咁即係話跟住又無多份收入囉！！唉，睇嚟我真係要去鵝頸橋一轉先掂喇，打完小人之後跟手喺天橋底瞓埋，一舉兩得，唔使另外行多轉！！！不過最驚都係連打小人嘅錢都俾唔起咋！哇咔咔咔 ~ ~ ~ ~

 
        喺我屋企，檸檬呢一樣嘢真係好難去清貨，分分鐘可以喺個雪櫃度擺足幾個月！咁啱喺「樹記」買咗素雞，就用佢嚟整個素菜版嘅西檸煎軟雞啦！

又去「樹記」入貨

        其實前兩個禮拜先去完「樹記」買嘢，不過因為當時係返工前去買，所以買唔到要放雪櫃嘅嘢，你知啦，啲黃豆製品好易變㗎嘛，萬一中途變壞的話，真係得個拎字，而且佢哋賣嘅嘢都唔平㗎嘛！咁啱今日早收工，趕喺收舖之前去買嘢，放入保溫袋度，跟住就可以即刻拎返屋企喇！ 

 

點解咁夜臨收舖先去買嘢都仲係要排隊㗎！？其實好耐之前媽咪已經去開呢度買豆製品，因為出名好食，但係嗰陣應該唔使點排隊，最多都係等兩、三個度，自從蘇施黃喺電視節目度介紹過之後，就攪到好多人都識去買嘢，之後就開始大排長龍，舖頭仲要專登擺放圍欄俾人有秩序咁排隊，免得影響左右隔離舖做生意！ 
 

上兩個禮拜去先慘呀，晏晝十二點零一點去到，見到條隊十個人都無，以為好開心啦，點鬼知個太陽曬到正條隊，跟住啲職員又唔會快手快腳做嘢，反正都唔憂做，做得慢你哋都會照排隊買㗎喇，所以雖然得幾個人，但都企喺度曬足差唔多半粒鐘，熱到成身汗，真係黐哂線！！之前農曆新年仲勁，可能因為好多人會買嘢煮齋啦，排咗半個鐘至九個字，條龍都無乜點郁過，由街頭排到街尾咁滯，真係人都癲，你估真係唔使錢咩！！最後都係無買到任何嘢就走人，因為要趕住返工！
 

 

請各位瀏覽新 blog

嚟緊 10 月底 Yahoo Blog 就會進入唯讀模式，到時無論係 blog 主定係 blog 友都唔可以再編輯同留言㗎喇！我都已經向官方申請咗備份，意味著由呢一刻開始，我都要同 Yahoo Blog 講再見，正式結束呢五年嚟喺Yahoo Blog 寫 blog 嘅日子喇！

 

由依家開始，麻煩各位 blog 友請移玉步到小弟嘅新 blog： http://kestrelkwan.blogspot.hk/

入到去主頁之後，請 click 左手邊「加入這個網站」去訂閱我個 blog 喇！

 

希望喺新 blog 度可以見番大家，繼續同大家分享生活及煮食，新 blog 見喇 ~ ~ ~ ~ ~ ~ ~ ~  

鹹湯丸

        好耐好耐之前，喺 Yahoo Blog 度睇到 blog 友 Motonako A. 整鹹湯丸已經好想整，但係拖吓拖吓，拖到家吓先整，真係死得！！

        整鹹湯丸絕對唔難，最重要都仲係個湯底，湯底夠鮮甜就自然好食，因為湯丸本身只係一嚿粉，乜味都無嘛！所以呢個鹹湯丸真係點整都得，總之自己想要咩湯底就整咩囉！

 

        淨係同大家分享湯丸整法算喇，至於湯底做法，發揮你哋嘅小宇宙啦！
 
 

香草麵包多士 Mixed Herbs Toast

          唉，你話係咪真係宿命呀，一用番即用酵母加老麵就乜事都無，仲整到個靚靚多士㖭！
 
        而且今日最後發酵時都只係用咗大約一個鐘度咋！平時整嚫麵包多士，閒閒哋都要粒幾兩粒鐘，我睇過本麵包天書之後，知道自己製作過程有問題，依家學識咗點去避免，但最主要原因我諗係酵母問題，因為我唔係成日整包，一星期都只係整一、兩次，包酵母開封後用好耐都未用得完，發酵能力逐漸減弱，所以要好長時間先發酵完成！

發酵老麵

           老麵其實係發酵過度嘅麵糰，但係若果加小部份老麵去製作麵包的話，不但可以幫助麵糰發酵，更可提高麵包嘅保濕能力，令到麵包質地更加鬆軟，仲可以延長保存期㖭，所以仙姐就稱老麵為天然麵包添加劑！

            我自己就長期整定老麵放喺冷宮，方便隨時都可以用嚟整麵包。

紅莓蜜糖英式烤餅 Cranberry Honey Scone

        唔知點解，好多人都會叫 scone 做英式鬆餅，咁「麥記」用嚟整豬柳漢堡嗰隻 English muffin 又叫做咩呢！ 

 

今次係參考咗一個用楓糖漿整 scone 嘅食譜嚟整，但我無用到楓糖漿，改用老竇個農場 friend 自家製作嘅蜂蜜，一樣有香濃蜂蜜味呀！

 

 

風雨過後總不能倖免！

經過一整晚無遮無擋嘅風雨侵襲，客廳幅牆嚴重滲水，水嘅重量仲令牆紙形成一個水袋！

 

其實好耐之前已經叫管理處搭哂棚整外牆，
但係每逢超大風雨時都係
無得倖免，唉！！

番茄海鮮意大利飯 Tomato Seafood Risotto

        仲記得我之前煲咗木瓜猴頭菇魚湯嗎？我習慣一次煲多啲分幾餐飲，飲剩一餐嘅分量，用咗嚟煮海鮮 risotto，超正哦！

超成功的 bagel！

        上個禮拜去教 Ernest 時，Ernest 婆婆話想學整 bagel，因為係佢嘅至愛，所以就趁噚日紅假得閒，同 Ernest 上完堂之後就開工做阿茂。

 

 

中秋節快樂

各位 blog 友，中秋節快樂呀！！

 

 

 

 

今年無整到奶皇月餅，用番上年同

Winnie 、Ernest 媽咪一齊整嘅

奶皇月餅嚟代替咋！

又失敗呀！！

            嘩，發生咩事呀，呢幾個月咁黑仔嘅！？係咪要去鵝頸橋一轉呢！！

 

        連續幾個月都有學生因為移民、會考、不堪考試壓力、接到單大官司要打、被公司調上大陸做嘢而要停學，最大影響當然係收入大減啦！跟住整月餅又超失敗，今日用「星野」整包又失敗到爆！！

 

 

 

木瓜猴頭菇魚湯

            我主要都係保齋湯多，好少煲肉湯，煲魚湯就更加少，因為嫌麻煩呀，又要打鱗、又要去內臟、又要煎、又要洗多隻鑊，真係多好多功夫！

 

        可能無飲得耐啦，近排好想飲魚湯，趁今日無乜特別嘢要整，比較得閒，就用啲時間嚟煲湯啦！ 

 

朱古力粒咖啡鬆餅 Chocolate Chips Coffee Muffin

        冷宮啲 muffin 終於都清哂，係時候要引入啲新佳麗喇！

 

 

初試啼聲廣式月餅

        之前整落咗轉化糖漿，無理由唔試整廣式月餅㗎！反正上次整冰皮月餅時有好多紅豆餡剩，再煮多少少，用嚟試整廣式月餅，點知超失敗囉！ 

 

 

送給至愛的媽咪

        今日係媽咪嘅一個重要日子，我當然要去探佢啦，順便去探埋我婆婆。

 

        噚日已經整好月餅、煮好齋，今日再去買埋花同水果，去到衣紙舖買蠟燭時，事頭婆好好人，話大家街坊街里，原本 $8 收我 $7 得喇，佢見到我左一抽、右一抽，拎住鬼死咁多嘢，摷散銀都摷都 “呢咁 hea”，臨走前佢話俾我大袋我一次過裝住哂，唔使咁麻煩，我話唔使喇，跟住返屋企喇，唔該哂佢，點知事頭婆係要嗌番我轉頭拎個大袋，仲叫我 “聽話啦”！！哈，咁大個仔，一個大男人，都唔知幾耐無聽過人咁同我講嘢喇，媽咪未走之前都無咁同我講好耐啦，估唔到買餸都買得咁窩心！！

 

 

 To my dearest Mother,

look forward to our gathering soon!

搬家方法參考

    點呀，各位前 Yahoo blog 友，你哋熟習點用 Google Blogger 未呀？如果已經熟習的話，係時候開始諗吓舊 blog 備份同埋點樣搬家喇喎！

我依家都仲係睇緊，參考緊唔同 Yahoo blog 友嘅分享，暫時嚟講，當中 T&P 同豆丁主義所用的方法，效果好似唔錯，所以我想喺度同大家分享，希望作為無頭緒或未知道有咩可行方法的朋友一個參考。

T&P 係申請咗「點煮網」個網誌暫存服務，好處係將整個 Yahoo Blog 裡面嘅嘢完完全全咁搬過去，無論文字、相片、分類、留言同回應都照搬，所以最後出嚟個版面係同大家個舊 Yahoo Blog 完全無分別，只係個網址唔同咗。

參考網誌：《網誌暫存》。

豆丁主義就將已經備份妥當嘅舊 blog 壓縮檔匯入 Google blog，當然，中間要做點手腳，因為始終兩個 blog 嘅格式係完全唔同，成功之後，舊 blog 會以 Google Blogger 嘅 presentation 重現喺大家眼前。

參考網誌：《優質搬家：從 Yahoo! Blog 到 Google》。

 

    如果大家仲知道有其他好方法的話，不妨喺度同大家介紹、分享一下呀！

網誌編輯功能

喺 T&P 度又學識咗個網誌編輯功能，可以令到網頁首頁 show 哂咁多篇 blog 時，唔使水蛇春咁長。

 

經濟係咪真係咁差呀！！！

        呢頭 Yahoo 先話因為資源投放問題要將 Yahoo Blog 摺埋，都未得嚟煩完搬 blog 啲嘢，嗰頭又收到銀行信話我用咗十幾廿年嘅 credit card，由基本卡 upgrade 到金卡，再又金卡 upgrade 到白金卡，咁多年嚟都係免費，依家因為近來市場狀況改變，要收番年費，家吓外圍經濟係咪真係差成咁呀！！？？

        我一直用開咁多張 credit card 都唔使俾錢，你依家話要收錢，我梗係唔要啦，即刻 cut card！！

如何訂閱網誌

        喺 Yahoo Blog 度搬過嚟嘅朋友，你哋熟習點用呢度啲功能未呀？我依家大致上都清楚知道有咩 function，但因為老人癡呆嚴重，好多曾經見過嘅功能，到要用時就完全唔知點去搵番出嚟，搵極都搵唔到，睇嚟都需要一段時間先可以運作暢順。

        相信好多 blog 友之前喺 Yahoo Blog 都應該有「訂閱」呢個習慣，因為實在好方便，可以通過 e-mail知道 blog 友嘅回覆，而且又會列出訂閱清單，方便大家去巡 blog。

點算好呀！！

總算叫做稍為熟習新 blog 的 function 及用法，諗住返番過嚟睇番自己之前訂閱嘅 blog 友，然後逐一到訪，睇吓佢哋搬去邊，點知一 click 入設定，Yahoo 已經將我個 list 完全 delete 哂，真係離哂大譜，係咪真係無資源到要即刻 cut 呀！！


你知啦，我有嚴重老人癡呆㗎嘛，我都唔知搵唔搵得番齊哂你哋呀！  小弟喺度呼籲大家，如果睇到我呢篇 blog 的話就自動獻身啦，唔該！！

呢度係我個新家網址喇：

http://kestrelkwan.blogspot.hk/

入到去之後，click 左手邊「加入這個網站」就可以訂閱我個 blog 㗎喇，到時大家又可以再做番街坊喇！

點算好呀！！

總算叫做稍為熟習新 blog 的 function 及用法，諗住返番過嚟睇番自己之前訂閱嘅 blog 友，然後逐一到訪，睇吓佢哋搬去邊，點知一 click 入設定，Yahoo 已經將我個 list 完全 delete 哂，真係離哂大譜，係咪真係無資源到要即刻 cut 呀！！


你知啦，我有嚴重老人癡呆㗎嘛，我都唔知搵唔搵得番齊哂你哋呀！  小弟喺度呼籲大家，如果睇到我呢篇 blog 的話就自動獻身啦，唔該！！

呢度係我個新家網址喇：

http://kestrelkwan.blogspot.hk/

入到去之後，click 左手邊「加入這個網站」就可以訂閱我個 blog 㗎喇，到時大家又可以再做番街坊喇！

點搵番你哋呀！！

        總算叫做稍為熟習呢邊新 blog 的 function 及用法，諗住返番過去 Yahoo Blog 度睇番自己之前訂閱嘅 blog 友，然後逐一到訪，睇吓佢哋搬去邊，點知一 click 入設定，Yahoo 已經將我個 list 完全 delete 哂，真係離哂大譜，係咪真係無資源到要即刻 cut 呀！！

        你知啦，我有嚴重老人癡呆㗎嘛，我都唔知搵唔搵得齊哂相熟 blog 友！！！小弟喺度呼籲大家，如果搵到我就自動獻身啦，唔該！！