偷懶版泡菜

        真係好鍾意食泡菜，已經整過好多次，但係每次整得唔多，食唔到幾多次就已經食哂！今次一於一次過整多啲，食個夠吧！！

 

        由於料多，功夫都自然多，所以今次用咗個較為懶嘅方法，係跟韓國 Maangchi 姨個 “easy kimchi” 方法去整，至於材料份量，我就跟番我之前用開嗰個食譜。

 

 

早排睇到 blog 友鬼嫁都有整泡菜，佢話據嚴浩所講，
原來泡菜最好係日日食，特別係腸胃唔太好

嘅朋友，仲話最好食自家製泡菜㖭！

 

 

 

 

 

 

整過咁多次泡菜，都已經掌握到一定手法及技巧，所以

今次唔再用娃娃菜，正正式式買咗棵大白菜嚟整。

 

 

 

 

 

 

 

雖然棵大白菜真係好大，但係用鹽醃到出哂水之後，成棵菜

大縮水，大約得番半棵度，攪到配料仲多過菜，

睇嚟下次要買夠兩大棵先得喇！

 

 

 

 

 

 

 

除咗大白菜之外，仲用咗白蘿蔔、甘筍同紫洋蔥，

醃料內仲加個雪梨，所以今次啲泡菜

相對較甜，無咁辣。

 

 

 

 

大家可以參考番我之前既《自家醃製韓式泡菜》食譜，又或者可以睇吓 Maangchi 姨個做法都得：

 

 

 

呢個係傳統正宗做法，要做多少少功夫。

 

 

 

 

  

P.S.  如果大家睇番我之前嘅食譜的話，由於之前我整泡菜係屬試驗性質，所以無買到韓國辣椒粉嚟整，只係用普通辣椒粉，所以味道無咁好食之外，大家見到個顏色都無咁鮮紅，比較偏向瘀橙色！