2013年9月29日星期日

偷懶版泡菜

        真係好鍾意食泡菜,已經整過好多次,但係每次整得唔多,食唔到幾多次就已經食哂!今次一於一次過整多啲,食個夠吧!!
 
        由於料多,功夫都自然多,所以今次用咗個較為懶嘅方法,係跟韓國 Maangchi 姨個 “easy kimchi” 方法去整,至於材料份量,我就跟番我之前用開嗰個食譜。
 
 
早排睇到 blog 鬼嫁都有整泡菜,佢話據嚴浩所講,
原來泡菜最好係日日食,特別係腸胃唔太好
嘅朋友,仲話最好食自家製泡菜㖭!
 
 
 
 
 

 
整過咁多次泡菜,都已經掌握到一定手法及技巧,所以
今次唔再用娃娃菜,正正式式買咗棵大白菜嚟整。
 
 
 
 
 
 

 
雖然棵大白菜真係好大,但係用鹽醃到出哂水之後,成棵菜
大縮水,大約得番半棵度,攪到配料仲多過菜,
下次要買夠兩大棵先得喇!
 
 
 
 
 
 

 
除咗大白菜之外,仲用咗白蘿蔔、甘筍同紫洋蔥,
醃料內仲加個雪梨,所以今次啲泡菜
相對較甜,無咁辣。
 
 
 
 
大家可以參考番我之前既《自家醃製韓式泡菜》食譜,又或者可以睇 Maangchi 姨個做法都得:
 
 
 
呢個係傳統正宗做法,要做多少少功夫。
 
 
 
 
  
P.S.  如果大家睇番我之前嘅食譜的話,由於之前我整泡菜係屬試驗性質,所以無買到韓國辣椒粉嚟整,只係用普通辣椒粉,所以味道無咁好食之外,大家見到個顏色都無咁鮮紅,比較偏向瘀橙色!
 
 

16 則留言:

  1. 原來泡菜可以幫助腸胃架?要食多d先得喇~~

    回覆刪除
    回覆
    1. 係呀,因為都係發酵食品嘛,有好多益生菌,好似乳酪咁囉!

      刪除
  2. Maangchi 也是我的偶像呀, 我都成日跟佢整韓食。

    回覆刪除
    回覆
    1. 係呀,我都覺得佢煮嘅嘢幾得,訂閱埋佢嘅 Youtube 頻道喇!

      刪除
  3. 睇d顏色咁紅好似好辣咁喎。

    回覆刪除
    回覆
    1. 都唔係嘅,韓國辣椒粉係好鮮紅色呀!今次加成個雪梨落去做醃料,相對比較甜咗啲!

      刪除
  4. 我以前唔食架,但係睇你們整得多,有次去朋友家她的工心整了泡菜炒肥牛嘩,一吃難忘,我就開始買細細包,一個人自己慢慢食,因為家中無人吃的,咁我又可以接受到喎,你留少少送我回家吃啦,不要多,少少就可以,我想試下自家整的味道.

    回覆刪除
    回覆
    1. 好呀,一定留俾妳,反正整咗一大盒,星期一見時俾妳啦!不過最好就係妳可以帶個密實 / 密氣嘅樽過嚟裝,因為我無細細個密氣樽俾妳,怕中途會流瀉泡菜汁!

      其實食泡菜好有益,同食乳酪一樣效果,都有益生菌發酵食品嘛!泡菜係世界上五大有益食品之一,聽過話沙示期間,全球得韓國無事咋,專家估計可能同佢哋成日食泡菜有關。

      刪除
  5. 呢樣唔啱食噃,下次再嚟<( ̄︶ ̄)>

    回覆刪除
    回覆
    1. 點解呀?好有益㗎喎!如果怕辣的話,可以唔加辣椒粉整,其實韓國有好多款泡菜都係唔加辣椒粉去醃呀!

      刪除
  6. 回覆
    1. 呢個妳都可以整呀,唔難呢!鍾意食辣嘅就一定鍾意食泡菜!

      刪除
  7. 我好鍾意自家醃架, 不過一放耐個雪櫃會好大味

    回覆刪除
    回覆
    1. 我自己習慣用保鮮紙包住個盒開口位先再冚蓋,一來可以更加衛生乾淨,唔易入菌,保存耐啲,二來係無咁大氣味傳出,所以我唔多覺個雪櫃有好大味,如果都係覺得有味的話,咁咪唔好落蒜頭去整囉!

      刪除
  8. 如果不太吃到辣的,是不是不加太多韓國辣椒粉就可以的?
    我超愛吃泡菜,我都買那種不會好辣的口味的,好想試試自己整!

    回覆刪除
    回覆
    1. 係呀,辣椒粉用量係唔會影響發酵效果㗎!妳睇吓 Maangchi 姨個 video 呀,螢幕打住:
      No flakes = non spicy
      1 cup = mild
      2 cup = spicy
      3 cup = pretty spicy

      快啲整啦,妳整包包咁叻,醃泡菜對妳嚟講簡直無難度啦!因為食譜係出自韓國人,所以味道同街買返嚟一樣呀!

      刪除