我依家都仲係睇緊，參考緊唔同 Yahoo blog 友嘅分享，暫時嚟講，當中 T&P 同豆丁主義所用的方法，效果好似唔錯，所以我想喺度同大家分享，希望作為無頭緒或未知道有咩可行方法的朋友一個參考。
T&P 係申請咗「點煮網」個網誌暫存服務，好處係將整個 Yahoo Blog 裡面嘅嘢完完全全咁搬過去，無論文字、相片、分類、留言同回應都照搬，所以最後出嚟個版面係同大家個舊 Yahoo
Blog 完全無分別，只係個網址唔同咗。
參考網誌：《網誌暫存》。
豆丁主義就將已經備份妥當嘅舊 blog 壓縮檔匯入 Google blog，當然，中間要做點手腳，因為始終兩個 blog 嘅格式係完全唔同，成功之後，舊 blog 會以 Google Blogger 嘅 presentation 重現喺大家眼前。
參考網誌：《優質搬家：從 Yahoo! Blog 到 Google》。
我最得閒，所有舊 yblog 自己delete晒。
回覆刪除吓，做乜 delete 哂啲心血呀？唔可惜咩？
刪除唔可惜。寫卜只是分享，分左便享左，我在卜識到大家才重要。
刪除妳好灑脫呀，讚！！
刪除朋友,好多謝你不停咁教我們,感恩感謝感激.我已每天比少少時間慢慢去摸了.
回覆刪除唔好咁客氣啦，大家都係正在學習中，邊個了解及想通之後就教大家，咁可以慳啲時間，明符其實同時間競賽㗎，嗰邊個 deadline 又一日近過一日，唔快手攪掂真係分分鐘渣都無呀！
刪除係呀,最怕我天天要去醫院都沒太多時間啦,忙都又累又煩,但幸好有你這個好友幫手.
刪除我都唔幫得妳幾多啫！
刪除其實妳可以用手機上網，咁咪可以隨時隨地攪個 blog 囉！
吓，我好反對低頭喎，放心我會自己慢慢摸的，多謝你呀
刪除唓，妳估叫妳好似啲人咁由朝到晚都拎住部手機咩，只係見妳搭緊車或喺診所等緊時用咋嘛，唔使吓吓都返到屋企部腦先上網，但查實返到屋企妳又攰到隻狗咁！所以用等待嘅時間去摸熟個 blog 就最好不過，咪當學習一部份囉！ (我職業病又發作喇！)
刪除要變通先得㗎，妳自己做事有分寸㗎嘛！
你好心水清，我睇完試完又好似有點迷茫@@有D setting改完又混淆返：-（
回覆刪除唉，依家查實個個都好似考試前強記咁，狂塞資料入腦，有時根本都未係好清楚，但又要試做，因為睇住嗰邊 deadline 又越來越近，真係好想死呀！
刪除大家都好努力呀~~多謝你嘅分享！我而家逐D逐D執緊呢~
回覆刪除無辦法啦，初到貴境，乜都唔識之餘，又要睇住嗰邊個 deadline 做人，超煩！！
刪除我到依家都未習慣哦! 諗起要搬舊blog就煩,無心情去搬...
回覆刪除慢慢嚟啦，我都未係好順手，成日撳錯掣！
刪除一係妳學 wei sam 咁灑脫囉！ :D
你真係有心機寫, 我可以慳番唔使寫 :P
回覆刪除咁又唔好咁講，大家互相分享、幫忙嘛！我自己都覺得好煩、唔多適應，咁所以知道嗰啲對電腦唔太熟悉嘅 blog 友一時間要重新適應會好辛苦，咁我咪幫得就幫囉，我自己都成日要請教 blog 友問題啦，妳都教識我唔少嘢，咁我都要有義務回遣番 blog 友嘛！
刪除係我訊息頁面有我網誌連結可以去到的^^
回覆刪除係？我就係搵咗好耐都搵唔到，妳放咗去邊呀？
刪除多謝分享﹗我已經試左用dimcook.com，希望可以將舊blog搬黎啦~~
回覆刪除嗯，妳咁快手試嗱！妳介唔介意完成後話我知效果點呀？
刪除我找到banner置中的方法：
回覆刪除1.把blog 的闊度set 到和照片一樣，或將照片闊度set 到和blog一樣。 blog的闊度可以在 設計 - 範本 - 自訂 - 版面闊度 找到。
2.將banner 當作背景用，在上版面的 背景 , click 入縮圖旁 的三角仔，選擇 "上載"
我試過用 1. 的方法，如果 banner 能夠置中的話，中間文章部份會超窄，攪到篇 blog 好長；但如果拉闊中間文章部份的話，個 banner 就唔可以置中喇！
回覆刪除剛試過 2. 的方法喇，但變成 wallpaper，不斷重覆鋪滿整個版面。
睇過你 Google+ 的做法，可能因為我唔係用內置 banner，而係用私伙，所以無 "置中"、"靠左"、"靠右" ……… 呢個選項哦！
我個 banner 圖片係喺 "版面配置"、"標題" 個位 upload 㗎喎！
刪除方法1. 中，應該掉轉，用photo 軟件像BANNER 像素撐大，適應你BLOG 的闊度。
刪除photo shop, photocap 等都可做到。
等我得閒又試吓先！
刪除跟你個做法，將個相片象素加大先 upload 上 blog 度，終於成功喇！
刪除多謝 Moon 哥呀！