抹茶紅豆冰皮月餅

        今日揭盅喇！！紅豆同咩最夾呀？梗係抹茶啦！所以我成日都稱呼呢兩樣食材為伉儷。

        啲紅豆餡係要嚟整抹茶紅豆冰皮月餅嘅，我整冰皮嘅方法比較較單，係參考咗鄭慧芳《幸福的甜品》裡面個冰皮做法，個皮唔使溝粉、又唔使蒸，淨係用糕粉整就攪掂，乾手淨腳，真係慳番唔少功夫呀！

 



 

材料：
紅豆餡        約 600 克
澄麵           適量
糕粉           100 克

抹茶粉       約 8 克
糖霜           50 克
椰漿           120 毫升
牛奶           120毫升
固體菜油    20 克
粟粉           適量

- 紅豆餡放入小煲內，加熱攪拌；澄麵用小量水開勻，倒入紅豆餡內不斷攪拌直至變得
  稠身。

 

- 將紅豆餡倒入大盤內攤平、攤凍，之後入盒，放入雪櫃雪凍。

 

- 糕粉、抹茶粉同糖霜拌勻，加入椰漿、牛奶同固體菜油，攪拌成糰。

 

- 將粉糰分成為每個重 24 克嘅小粉糰，輕輕滾圓，備用。

 

- 將紅豆餡平均分成細份，每份重 36 克，同樣輕輕滾圓。

 

- 小粉糰用掌心壓扁，放上紅豆餡，一隻手用手指支撐皮同餡的上下部份。

 

- 另一隻手則利用虎口位置邊旋轉、邊將餅皮向上推高，直至完全包住紅豆餡為止。

 

- 包好餡嘅粉糰薄薄滾上一層粟粉，然後輕輕搓長。

 

- 將粉糰放入 63 克月餅模內，按下彈弓鍵壓出形狀及花紋即成。

 

以上材料份量可做迷你月餅 16 個。

 

 

準備好哂所有材料，好快手就已經整完啦！

 

 

 

 

 

 

 

真係超鍾意呢個花紋，好有中國色彩呢！

 

 

Notes：
- 紅豆餡做法，請參考《日式紅豆餡》；至於澄麵用量則視自己喜歡嘅稠度而決定。

 

- 紅豆餡分開細份滾圓後可再放入雪櫃雪至稍硬身，方便包餡。

- 包餡時可戴上即棄膠手套，避免粉糰黏手。

- 詳細包餡手法，請參考以下短片。