2013年9月3日星期二

抹茶紅豆冰皮月餅

        今日揭盅喇!!紅豆同咩最夾呀?梗係抹茶啦!所以我成日都稱呼呢兩樣食材為伉儷。


        啲紅豆餡係要嚟整抹茶紅豆冰皮月餅嘅,我整冰皮嘅方法比較較單,係參考咗鄭慧芳《幸福的甜品》裡面個冰皮做法,個皮唔使溝粉、又唔使蒸,淨係用糕粉整就攪掂,乾手淨腳,真係慳番唔少功夫呀!
 

 

材料:
紅豆餡        600
澄麵           適量

糕粉           100
抹茶粉        8
糖霜
           50
椰漿           120 毫升

牛奶           120毫升
固體菜油    20
粟粉           適量


- 紅豆餡放入小煲內,加熱攪拌;澄麵用小量水開勻,倒入紅豆餡內不斷攪拌直至變得
  稠身。

 
- 將紅豆餡倒入大盤內攤平、攤凍,之後入盒,放入雪櫃雪凍。

 
- 糕粉、抹茶粉同糖霜拌勻,加入椰漿、牛奶同固體菜油,攪拌成糰。

 
- 將粉糰分成為每個重 24 嘅小粉糰,輕輕滾圓,備用。

 
- 將紅豆餡平均分成細份,每份重 36 ,同樣輕輕滾圓。

 
- 小粉糰用掌心壓扁,放上紅豆餡,一隻手用手指支撐皮同餡的上下部份。

 
- 另一隻手則利用虎口位置邊旋轉、邊將餅皮向上推高,直至完全包住紅豆餡為止。

 
- 包好餡嘅粉糰薄薄滾上一層粟粉,然後輕輕搓長。

 
- 將粉糰放入 63 月餅模內,按下彈弓鍵壓出形狀及花紋即成。

 
以上材料份量可做迷你月餅 16 個。

 
 
準備好哂所有材料,好快手就已經整完啦!
 
 
 
 
 
 
 
真係超鍾意呢個花紋,好有中國色彩呢!
 
 



Notes
-
紅豆餡做法,請參考《日式紅豆餡》;至於澄麵用量則視自己喜歡嘅稠度而決定。
 
- 紅豆餡分開細份滾圓後可再放入雪櫃雪至稍硬身,方便包餡。

- 包餡時可戴上即棄膠手套,避免粉糰黏手。

- 詳細包餡手法,請參考以下短片。


 

 

 

5 則留言:

  1. Hi, 我要在yahoo! blog你的網誌才來到你的blogspot 呀!

    blogspot有個好大問題, 我已add了你, 但怎click你, 都去左d無厘啦更的網頁, 點都來唔到你呢個blog, 你有這個問題嗎?

    你試吓找吓我.

    回覆刪除
    回覆
    1. Hello Moon哥,好開心可以喺度見番你呀!原本我諗住去番 Yahoo blog度check番我訂閱嘅blog友,逐一睇吓佢哋搬去邊,點知Yahoo已經將我所有訂閱delete哂呀!!!!

      你意思係喺已經add咗我依個新blog但又link唔到過嚟?我又無呢個問題喎!你係咪click 頁面個「加入這個網站」呀?但係我喺「追蹤者」度見唔到你喎!

      刪除
    2. 我 click 過你個名,但係 link 唔到去你個 blog,只係去咗你 Google+ 的頁面呀!我諗你可能未建立 blog,應該係喺 blogger 個頁面度 click「加入這個網站」,之後就會喺自己 blog 個資訊主頁度見番哂所有訂閱嘅 blogger 同新發表文章。

      刪除
  2. 呢個又真係好方便喎! 有時間都要試下先得! 我都好鍾意呢個模呀!
    我都有A Moon的問題呀! 我有click「加入這個網站」, 但唔會自動去咗我個blog 的資訊主頁, 要新增條link先見到喎?! 係唔係做漏步驟呢? 請指教! :)

    回覆刪除
    回覆
    1. 係呀,呢個做法簡單方便好多,可以即整即食。

      咁會唔會係因為我無 upgrade 到 Google+,但妳已經係 Google+ 呢?

      刪除