今日係媽咪嘅一個重要日子，我當然要去探佢啦，順便去探埋我婆婆。
噚日已經整好月餅、煮好齋，今日再去買埋花同水果，去到衣紙舖買蠟燭時，事頭婆好好人，話大家街坊街里，原本
$8 收我 $7 得喇，佢見到我左一抽、右一抽，拎住鬼死咁多嘢，摷散銀都摷都 “呢咁 hea”，臨走前佢話俾我大袋我一次過裝住哂，唔使咁麻煩，我話唔使喇，跟住返屋企喇，唔該哂佢，點知事頭婆係要嗌番我轉頭拎個大袋，仲叫我 “聽話啦”！！哈，咁大個仔，一個大男人，都唔知幾耐無聽過人咁同我講嘢喇，媽咪未走之前都無咁同我講好耐啦，估唔到買餸都買得咁窩心！！
To my dearest Mother,
look forward to our gathering soon!
今天係舊曆定係新曆呀。如果係舊曆咁就就係我媽生日後一天，若是新曆就唔一樣了。老人家可能當你係小朋友喎
回覆刪除係新曆呀！妳知係咩日子咩？
刪除攪錯呀，妳幾時見過無乜頭髮兼鬍鬚 "甩突" 嘅小朋友呀！？
咁婆婆老人家在她眼裡個個都係細架,咁你咪開心做細佬仔啦.我估唔係生忌就係死忌所以你會去拜.係咪呀?
刪除係呀，至叻係妳！ : )
刪除真乖仔，又孝順。
回覆刪除不過可惜依家無入俾我孝順喇！ :(
刪除我諗你以前應該係媽媽嘅乖乖仔：）
回覆刪除絕對係！我媽咪好多朋友都羨慕佢有我呢個仔，唔係自己讚自己，係我真係好錫我媽咪！
刪除完全認同你呢仔真係好乖,我三個仔有咁乖我安樂晒啦.
刪除嘩，乜妳原來有三位公子呀！！
刪除咁佢哋依家好差咩？妳都成日話自己幸福啦！
媽咪收到紥花一定好開心~~
回覆刪除希望佢收到我份心意啦！
刪除祝福妳媽媽, 生日快樂, 身體愉快!
回覆刪除我代媽咪多謝妳呀！
刪除你真係好有孝心~
回覆刪除希望媽咪知道啦！
刪除Auntie 好安慰了。
回覆刪除希望佢收到我份心意啦！
刪除你媽媽同婆婆知你去探佢,佢地一定會好開心啫 ^.^
回覆刪除希望佢收到我份心意啦！
刪除Kestrel你得閒set返個最新留言喇,方便知道邊個黎留言俾你架,
刪除下面的網址就係教你點樣set架喇,你去睇睇喇 !
http://catjeffcat.blogspot.hk/2013/09/blogger.html?utm_source=feedburner&utm_medium=feed&utm_campaign=Feed:+blogspot/kopog+(catjeff+%E5%85%A5%E5%BB%9A%E6%A8%82
點解要裝呢個嘅？乜唔係電郵已經有通知咩？呢個有咩好處呀？
刪除我照了磁力共振啦,二十六號見醫生到時同你講,你近日有無頭痛,呢排天氣又熱又涼..小心保重呀
回覆刪除咁等妳消息喇，希望只係小意思！
刪除呢排都係咁，一唔飲咖啡嗰日就唔多掂，所以如果知道嗰會有比較長時間工作，即使未發作我都會飲定，費事到時捱住痛嚟做嘢！
妳都要保重，妳幾乎日日出街，都消耗唔少精力，我反而幾乎唔使返工咁滯，啲學生不約而同喺呢兩個月內停學，連中心同事都擔心我收入。唉，慣咗喇，成世人都係咁黑仔！