可能無飲得耐啦，近排好想飲魚湯，趁今日無乜特別嘢要整，比較得閒，就用啲時間嚟煲湯啦！
雖然煲魚湯功夫多，但其實魚湯係好鮮甜，好好飲！
Winnie 早前俾咗一大包雞腳我，今日加幾隻
落去煲湯，吸收吓膠質。
落去煲湯，吸收吓膠質。
買咗紅衫魚嚟煲湯，原本諗住有魚、有雞腳，有瓜又有菇，湯渣做埋餸就算，懶得就懶，點只打開個煲湯袋，啲魚煲到溶溶爛爛，骨肉完全撈埋一堆，無可能食到！可能係因為今日無買到大條魚，只係幾條魚仔所致啦，攪到要開罐茄汁豆加 kimchi 做餸！
我諗煲湯大家都識㗎啦，唔寫食譜喇，懶打字呀！！
呢個湯咁多料一定好甜啦， 唔使食罐頭豆都可以送飯。
回覆刪除係超甜呀！不過因為木瓜煲到好腍、雞腳其實都只係得層皮、猴頭菇又唔係好多，所以都唔係好送到飯呢！
刪除碗湯一定好清甜
回覆刪除係呀，好鮮甜，我仲覺得甜得有啲過份。
刪除叻仔,煲啖靚湯氹下自己為自家身體加加油打打氣,呢個湯正但我好少用木瓜來煲湯或糖水,我只愛生吃.又有雞腳超甜啦.
回覆刪除如你煲得個半至二個鐘乜魚都無啦.開罐頭唔錯喎,一餐半餐我都鐘意
係呀，當氹下自己啦，呢輪都突然間少好多收入！
刪除木瓜煲湯好有益喎！
我前後煲咗八個字咋！
所以我長期梗有茄汁焗頭、罐頭粟米粒/湯、吞拿魚、罐頭番茄應付突發情況！
魚湯真係好正，不過就多工好多!
回覆刪除係囉，所以幾好飲都好少煲。
刪除我都鐘意用紅衫魚煲湯的，但依家Ｄ細紅衫魚都唔平呀。
回覆刪除係呀，我今次買一兜四條魚仔，條條都只係手掌咁長咋，盛惠 $20！
刪除以前根本就係下價魚嚟嘅！