2013年9月16日星期一

木瓜猴頭菇魚湯

            我主要都係保齋湯多,好少煲肉湯,煲魚湯就更加少,因為嫌麻煩呀,又要打鱗、又要去內臟、又要煎、又要洗多隻鑊,真係多好多功夫!
 
        可能無飲得耐啦,近排好想飲魚湯,趁今日無乜特別嘢要整,比較得閒,就用啲時間嚟煲湯啦! 
 

雖然煲魚湯功夫多,但其實魚湯係好鮮甜,好好飲!
 
  
 
 
 
Winnie 早前俾一大包雞腳我,今日加幾隻
落去煲湯,吸收吓膠質。
 
 
  
咗紅衫魚嚟煲湯,原本諗住有魚、有雞腳,有瓜又有菇,湯渣做埋餸就算,懶得就懶,點只打開個煲湯袋,啲魚煲到溶溶爛爛,骨肉完全撈埋一堆,無可能食到!可能係因為今日無買到大條魚,只係幾條魚仔所致啦,攪到要開罐茄汁豆加 kimchi 餸!
 
        諗煲湯大家都識㗎啦,唔寫食譜喇,懶打字呀!!

10 則留言:

  1. 呢個湯咁多料一定好甜啦, 唔使食罐頭豆都可以送飯。

    回覆刪除
    回覆
    1. 係超甜呀!不過因為木瓜煲到好腍、雞腳其實都只係得層皮、猴頭菇又唔係好多,所以都唔係好送到飯呢!

      刪除
  2. 回覆
    1. 係呀,好鮮甜,我仲覺得甜得有啲過份。

      刪除
  3. 叻仔,煲啖靚湯氹下自己為自家身體加加油打打氣,呢個湯正但我好少用木瓜來煲湯或糖水,我只愛生吃.又有雞腳超甜啦.
    如你煲得個半至二個鐘乜魚都無啦.開罐頭唔錯喎,一餐半餐我都鐘意

    回覆刪除
    回覆
    1. 係呀,當氹下自己啦,呢輪都突然間少好多收入!

      木瓜煲湯好有益喎!

      我前後煲咗八個字咋!

      所以我長期梗有茄汁焗頭、罐頭粟米粒/湯、吞拿魚、罐頭番茄應付突發情況!

      刪除
  4. 魚湯真係好正,不過就多工好多!

    回覆刪除
  5. 我都鐘意用紅衫魚煲湯的,但依家D細紅衫魚都唔平呀。

    回覆刪除
    回覆
    1. 係呀,我今次買一兜四條魚仔,條條都只係手掌咁長咋,盛惠 $20!

      以前根本就係下價魚嚟嘅!

      刪除