2013年9月8日星期日

搬家方法參考

    點呀,各位前 Yahoo blog 友,你哋熟習點用 Google Blogger 未呀?如果已經熟習的話,係時候開始諗吓舊 blog 備份同埋點樣搬家喇喎!

我依家都仲係睇緊,參考緊唔同 Yahoo blog 友嘅分享,暫時嚟講,當中 T&P 同豆丁主義所用的方法,效果好似唔錯,所以我想喺度同大家分享,希望作為無頭緒或未知道有咩可行方法的朋友一個參考。


T&P 係申請咗「點煮網」個網誌暫存服務,好處係將整個 Yahoo Blog 裡面嘅嘢完完全全咁搬過去,無論文字、相片、分類、留言同回應都照搬,所以最後出嚟個版面係同大家個舊 Yahoo Blog 完全無分別,只係個網址唔同

參考網誌:《網誌暫存》。


豆丁主義就將已經備份妥當嘅舊 blog 壓縮檔匯入 Google blog,當然,中間要做點手腳,因為始終兩個 blog 嘅格式係完全唔同,成功之後,舊 blog 會以 Google Blogger presentation 重現喺大家眼前。

參考網誌:《優質搬家:從 Yahoo! Blog Google》。


 
    如果大家仲知道有其他好方法的話,不妨喺度同大家介紹、分享一下呀!

28 則留言:

  1. 回覆
    1. 吓,做乜 delete 哂啲心血呀?唔可惜咩?

      刪除
    2. 唔可惜。寫卜只是分享,分左便享左,我在卜識到大家才重要。

      刪除
    3. 妳好灑脫呀,讚!!

      刪除
  2. 朋友,好多謝你不停咁教我們,感恩感謝感激.我已每天比少少時間慢慢去摸了.

    回覆刪除
    回覆
    1. 唔好咁客氣啦,大家都係正在學習中,邊個了解及想通之後就教大家,咁可以慳啲時間,明符其實同時間競賽㗎,嗰邊個 deadline 又一日近過一日,唔快手攪掂真係分分鐘渣都無呀!

      刪除
    2. 係呀,最怕我天天要去醫院都沒太多時間啦,忙都又累又煩,但幸好有你這個好友幫手.

      刪除
    3. 我都唔幫得妳幾多啫!
      其實妳可以用手機上網,咁咪可以隨時隨地攪個 blog 囉!

      刪除
    4. 吓,我好反對低頭喎,放心我會自己慢慢摸的,多謝你呀

      刪除
    5. 唓,妳估叫妳好似啲人咁由朝到晚都拎住部手機咩,只係見妳搭緊車或喺診所等緊時用咋嘛,唔使吓吓都返到屋企部腦先上網,但查實返到屋企妳又攰到隻狗咁!所以用等待嘅時間去摸熟個 blog 就最好不過,咪當學習一部份囉! (我職業病又發作喇!)

      要變通先得㗎,妳自己做事有分寸㗎嘛!

      刪除
  3. 你好心水清,我睇完試完又好似有點迷茫@@有D setting改完又混淆返:-(

    回覆刪除
    回覆
    1. 唉,依家查實個個都好似考試前強記咁,狂塞資料入腦,有時根本都未係好清楚,但又要試做,因為睇住嗰邊 deadline 又越來越近,真係好想死呀!

      刪除
  4. 大家都好努力呀~~多謝你嘅分享!我而家逐D逐D執緊呢~

    回覆刪除
    回覆
    1. 無辦法啦,初到貴境,乜都唔識之餘,又要睇住嗰邊個 deadline 做人,超煩!!

      刪除
  5. 我到依家都未習慣哦! 諗起要搬舊blog就煩,無心情去搬...

    回覆刪除
    回覆
    1. 慢慢嚟啦,我都未係好順手,成日撳錯掣!

      一係妳學 wei sam 咁灑脫囉! :D

      刪除
  6. 你真係有心機寫, 我可以慳番唔使寫 :P

    回覆刪除
    回覆
    1. 咁又唔好咁講,大家互相分享、幫忙嘛!我自己都覺得好煩、唔多適應,咁所以知道嗰啲對電腦唔太熟悉嘅 blog 友一時間要重新適應會好辛苦,咁我咪幫得就幫囉,我自己都成日要請教 blog 友問題啦,妳都教識我唔少嘢,咁我都要有義務回遣番 blog 友嘛!

      刪除
  7. 係我訊息頁面有我網誌連結可以去到的^^

    回覆刪除
    回覆
    1. 係?我就係搵咗好耐都搵唔到,妳放咗去邊呀?

      刪除
  8. 多謝分享﹗我已經試左用dimcook.com,希望可以將舊blog搬黎啦~~

    回覆刪除
    回覆
    1. 嗯,妳咁快手試嗱!妳介唔介意完成後話我知效果點呀?

      刪除
  9. 我找到banner置中的方法:

    1.把blog 的闊度set 到和照片一樣,或將照片闊度set 到和blog一樣。 blog的闊度可以在 設計 - 範本 - 自訂 - 版面闊度 找到。

    2.將banner 當作背景用,在上版面的 背景 , click 入縮圖旁 的三角仔,選擇 "上載"

    回覆刪除
  10. 我試過用 1. 的方法,如果 banner 能夠置中的話,中間文章部份會超窄,攪到篇 blog 好長;但如果拉闊中間文章部份的話,個 banner 就唔可以置中喇!

    剛試過 2. 的方法喇,但變成 wallpaper,不斷重覆鋪滿整個版面。

    睇過你 Google+ 的做法,可能因為我唔係用內置 banner,而係用私伙,所以無 "置中"、"靠左"、"靠右" ……… 呢個選項哦!

    回覆刪除
    回覆
    1. 我個 banner 圖片係喺 "版面配置"、"標題" 個位 upload 㗎喎!

      刪除
    2. 方法1. 中,應該掉轉,用photo 軟件像BANNER 像素撐大,適應你BLOG 的闊度。

      photo shop, photocap 等都可做到。

      刪除
    3. 等我得閒又試吓先!

      刪除
    4. 跟你個做法,將個相片象素加大先 upload 上 blog 度,終於成功喇!

      多謝 Moon 哥呀!

      刪除