2009年9月1日星期二

重新粉飾我個 Blog

        今日已經踏入 9月份喇!各位莘莘學子又係時候收拾心情,繼續努力學業喇!

        今年嘅 9月份,原本係一個好有意思嘅月份,因為係媽咪 60 大壽呀!其實之前一早已經 plan 定今年會為佢做嘅 function,雖然我哋一定唔會好似 Winnie 屋企咁大攪 ( 就算大攪可能媽咪都唔鍾意 ),但點都要有番啲表示 o架嘛!好可惜,依家乜都唔駛做 lu


        我都諗咗好耐,究竟我可以做啲咩去表達我嘅心意呢?後尾醒起我建立呢個 blog 其實係想紀念媽咪、送俾媽咪,表達我對佢嘅思念,所以就決定幫個 blog 大裝修,重新粉飾一番,將佢整得更靚、更有意思。我知道媽咪一定會 feel 到我呢份心意嘅!


        希望媽咪喺西方可以 "學有所成",有機會能夠度眾生,幫眾生超脫人間嘅痛苦。而我自己就當然最希望他日能夠同媽咪喺西方重聚啦!所以我依家都盡量修好自己," 願我臨終無障礙 "。


        阿彌陀佛。


2 則留言:

  1. 你媽咪一定只明白....同保祐你嘅!不要太難過!
    [版主回覆09/02/2009 17:22:00]        多謝妳呀!呢種心情,只有好似妳同樣經歷過 嘅人先會體會到!

    回覆刪除
  2. 我相信你媽咪一定希望你快樂,你現在能報答她的是要堅強生活下去!
    [版主回覆09/08/2009 23:50:00]        多謝妳 嘅鼓勵呀!

    回覆刪除