開始進入大製作倒數階段啦！星期一果日，同 Winnie 一齊再去 Louisa 度試整 icing cookies，成品整起好靚，不過，對於我哋呢幾個 "生手技工"，整一塊餅都要用好多時間呢！！
係咪都似模似樣呢！
先焗好曲奇，之後加上一層 icing glaze，最後再用唧袋
唧上 royal icing 就攪掂。Louisa 整果條晚裝裙幾靚！
Winnie 覺得勁好玩囉，係我從未見過佢咁投入去整嘢食 o架，簡直係
"從未如此投入過"！！
果兩塊曲奇幾靚就知啦！
雖然我好清楚知道自己喺唧花呢方面無乜天份，不過 果日我哋都整咗唔少花款呢！ 
都貪得意整咗個蛋糕呀，用最簡單嘅線條就算喇！
原來唧 royal icing 時，最好搵啲 Winnie 所謂嘅 "疆屍手" 去整，因為
原來啲糖霜好易溶 o架，Louisa 揸咗個唧袋一陣間已經攪到
啲糖霜開始溶，唧落餅度嘅糖霜都瀉到睇唔到
線條咁滯！！
之後 Louisa 又教我同 Winnie 唧玫瑰，Winnie 真係好有天份，第一次
唧已經似模似樣，Louisa 話仲靚過佢啲同班同學 o添！我呢個
無天份嘅人就真係想死囉！不單只完全唔似朵玫瑰，仲唧
到一半已經勁手痛，唉！！
號外，號外！！恭喜哂 Louisa，佢個 cake decaration course 1 考試順利過關之餘，阿 sir 仲話佢個作品係全班做得最好 o架！
呢個就係佢考試時整嘅蛋糕喇，係咪唔錯呢！
你哋亦都可以喺 Facebook Fans Page 度搵我 o架，我間小店叫做 La Cucina di Kestrel 呀，快啲 click 入去做我個 fans 啦！
好好玩咁噃！
回覆刪除[版主回覆03/26/2010 17:21:00] 咁妳會整嗎？整俾大小姐同少爺仔啦！
我都買佐呢個模諗住試整呀, 想問唧完icing仲駛唔駛再焗架...
回覆刪除一齊整好玩好多呀
[版主回覆03/26/2010 17:20:00] 係呀，一齊整好玩 啲 ，如果叫我一個人整就未必有興趣！ 唔再焗 o架啦，等佢自然風乾。
好靚啊！望住都想食！
回覆刪除[版主回覆03/29/2010 17:35:00] 多謝妳呀，Sharon！不過當妳知道點整就唔會食 o架啦！
哇, 你又係做回禮餅, 好大製作呀, 因為大量做, 上次手都軟, 不過唧埋花又好靚.
回覆刪除[版主回覆03/30/2010 19:30:00] 嗯，A moon 你都整過回禮餅？賓客反應點呀？
哼, 唔預埋我@@. 我都想學呀
回覆刪除[版主回覆03/30/2010 19:31:00] 我 哋三條友仔都係自己跟書試整咋！
咁邊本書呢????謝謝^^
回覆刪除[版主回覆03/30/2010 20:01:00] 喺圖畫館借 o架，但我已經唔記得個名喇！其實英文書果邊，有好多食譜都有教整呢類餅或 icing 。
請問你 royal icing 可以o係邊度買到?同埋可否教我點整呀?你地整得好靚啊~royal icing 同朱古力寫字筆有咩分別?
回覆刪除[版主回覆04/30/2010 18:23:00] Royal icing 唔駛買 o架，自己整就得，都係蛋白、糖加水咋嘛！不過上次係我個 friend 開 嘅 ，所以我唔知點調，等我問 咗個 friend 再話妳知啦！ 朱古力寫字筆，故名思義，係用朱古力 嚟寫字，royal icing 係開好之後，放入唧袋度 嚟寫字或畫圖案。
好呀..唔該你先, 麻煩你幫我問下你friend~因我想整幾隻顏色..照你咁講整royal icing咪麻煩過用寫字筆?不過royal icing整出來效果又真係好靚好令~
回覆刪除[版主回覆05/29/2010 17:55:00] 喂 Bosco Bosco，我個 friend 呢排真係勁忙，仲出 咗差唔係香港 o添呀！ 不過我 喺圖書館度搵番我之前幫佢借果本教整 icing 嘅書，我借 咗返 嚟啦！我得閒就去妳個 blog 度寫個 recipe 俾妳啦！