2010年3月31日星期三

丹麥麵包

        早前喺中環開咗間麵包店,以賣丹麥麵包味司作招來,印象中,好似未食過丹麥麵包吐司,都好想試吓。不過,對於一個屯門人嚟講,真係鞭長莫及,唔通為咗果包老遠搭長途車去買咩!! 而且,聽講個價錢都唔平呀!


        近排先發現,原來「山崎」都有得賣,不過就唔係間間都有,亦唔係時時都有得賣,噚日去 Louisa 屋企時,經過商場間「山崎」見到有得賣,於是就買嚟試吓。



原來唔似食丹麥酥個口感喎!麵包比較鬆軟。


 



好鍾意佢上邊啲鬢辮做形。


        買返屋企食嘅麵包,我習慣會焗番熱先食。今次我開埋個 grill,所以麵包外皮好脆,好好食,而且又無乜牛油味,其他人可能會覺得唔夠香,但我呢個唔好乳製品嘅人,就合哂胃口啦!


         我諗呢個丹麥麵包應該係「山崎」咁多吐司方包之中最貴嘅一款,盛惠 $15



        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


1 則留言:

  1. 早兩星期, 一田有個日本小姐做丹麥麵包 Promotion, 佢話D麵粉在日本搓,在香港焗, 收$36 一磅, 我試食過, 係幾香牛油味和軟熟, 不過我都係覺得太貴了。
    [版主回覆06/20/2010 20:03:00]        咁都真係幾貴喎,一磅麵包其實無得幾多 嘢,仲要丹麥麵包都好重身 o添呢!不過又真係好好食喎,所以間唔中 "豪" 一次啦!

    回覆刪除