清補涼糖水

        喺一本食譜度睇到介紹，一間越南餐廳提供清補涼冰，我覺得都幾得意，清補涼煲湯就飲得多，但係用嚟整甜嘅冷飲都係第一次聽到。

 

        我本身都唔係太鍾意飲凍嘢，加上依家天氣已經開始轉涼，煲成熱辣辣糖水會更加啱我！

材料：
紅棗
淮山
茨實
蓮子
百合
沙參
玉竹
冰糖

- 所有材料用暖水浸 1 個鐘，之後清洗乾淨。

- 紅棗開邊、去核；蓮子開邊去芯；淮山、沙參同玉竹剪細。

- 煲滾水後，將所有材料放入，再次煲滾後就轉慢火煲 2 個鐘。

- 之後加入冰糖，煲至完全溶解即可。

清補涼不寒不燥，男女老幼皆宜，學媽咪

話齋，真係太子都食唔壞呀！

 

 

 

 

 

 

食完啲咁刺激嘅泡菜炒年糕，之後食呢碗湯水就最啱喇！