想整呢個薄切餅好耐，不過因為要用到檸檬皮茸，而我自己又好少用到檸檬，刨完皮之後個檸檬肯定會有排擺，所以一直等到有食譜要用到檸檬汁時先一次過整哂兩樣嘢。
材料：
牛油 45 克
白芝麻 約 3 – 4 茶匙
南瓜籽 40 克
低筋麵粉 50 克
全麥麵粉 40 克
檸檬皮茸 1 個檸檬份量
糖 1 湯匙
蛋液 25 克
杏桃果醬 40 克
- 牛油於室溫放軟；粉類過篩
3 次。
- 白芝麻及南瓜籽放入焗爐用 140 ℃ 焗約 15 分鐘至香味出，攤凍備用。
- 牛油加檸檬皮茸、糖打至鬆軟發白，然後將蛋液逐少拌入。
- 篩入麵粉及南瓜籽仁，用膠刮將材料切拌混合成糰。
- 將麵糰壓入已墊牛油紙嘅烤模內，喺表面搽上杏桃果醬，再灑上芝麻。
- 放入已預熱至 180 ℃
嘅焗爐內，焗約 20 分鐘。
- 出爐後於模內攤凍，之後切件享用。
以上材料份量可做 6 吋 X 6 吋薄切餅 1 份。
食譜出自 Simple Slices from Women’s Weekly。
因為想清埋樽陳年自家製柑桔果醬，所以我用佢嚟代替杏桃果醬。
其實呢個餅幾好食，夠哂香口之餘又唔會太過甜，不過因為今次
用足哂全部份量嘅牛油去整，無溝到固體菜油落去，
所以我自己就覺得好難聞、好難食哦！！
我食^^
回覆刪除[版主回覆11/15/2012 03:31:45]隨便！
你問我啦,我家日日都有五六個檸檬係度架,我整完檸檬醬後但買唔到玉米都未整你個蛋糕已被老公吃光那檸檬醬啦,昨日同我講整大樽D喎.....証明你那醬幾好食呢.
回覆刪除想請問你,我懂整紅豆蓉,但如我想整砵仔糕紅豆要淋但要一粒一粒可以點做呀,唔好意思,又打煩你呀多謝,但唔急的你有時間才回我啦
[版主回覆04/19/2013 16:54:16]其實都係睇個人口味而選用果醬，印象中我好似係用橙皮醬整呀！
[緊張大師-小女人回覆04/19/2013 15:24:46]朋友,我明天想整呢個但家中只有檸檬醬沒有杏醬咁可用檸檬醬代替嗎?
[版主回覆11/15/2012 03:38:19]嘩，點會日日都有檸檬咁巴閉！？
既然妳先生咁 buy 個 lemon curd，而妳屋企又長期有檸檬提供，咁妳一次過整定十樽八樽，等妳先生慢慢歎啦！
哈哈，呢個都係我想問的問題，因為我之前整過缽仔糕，紅豆太腍。不過我依家知道一樣嘢，就係紅豆越大粒就越難煲腍，所以妳去買超大粒嗰隻紅豆就得，之後煲嘅時間唔好咁長，應該 OK。；「價真棧」應該有大粒紅豆賣！
好似好香口咁噃!!!!
回覆刪除[版主回覆11/15/2012 03:31:26]係呀，又芝麻、又南瓜籽，勁香口啦！
呢個我之前整杏仁..
回覆刪除[版主回覆11/19/2012 02:54:03]嗯，杏仁都唔錯喎！