2012年11月2日星期五

朱古力豆渣曲奇 Chocolate Soy bean Dreg Cookie



整嚫西點都多數係甜食,雖然我都鍾意食甜品,但都知道食得甜嘢多對身體唔係咁好,所以最近就喺圖書館度借咗幾本鹹味西點食譜返,遲啲同大家慢慢逐一分享食譜。



 



因為上個禮拜整
咗豆漿,隨之而來嘅指定動作就係清豆渣,所以就揀咗呢個朱古力曲奇喇!其實之前已經同 Ernest 媽咪一齊整過呢個曲奇㗎喇,因為味道唔錯,所以試吓自己整。有過上次嘅經驗,今次我就將個食譜改良一下,出到嘅效果果然好好多。


 




材料:

豆渣    100

牛油
   50

低筋麵粉
   130

可可粉 2 湯匙

固體菜油    50

黃糖    50

1/2 茶匙

雞蛋   1

入爐朱古力粒    40






-
豆渣放入焗爐,用 140 15 分鐘,攤凍備用。




-
牛油於室溫放軟;麵粉及可可粉過篩 3 次。




-
將牛油、固體菜油、糖同鹽拌勻,繼續攪拌至鬆軟發白。




-
加入豆渣拌勻後再加入雞蛋攪拌。




-
將粉類篩入,攪拌均勻,最後拌入朱古力粒。




-
勺起少量麵糊,搓成糰後放上已鋪牛油紙嘅烤盤上,輕輕壓平。




-
放入已預熱至 170
嘅焗爐內,焗約 30 分鐘。




-
出爐後放上架上攤凍。



 



以上材料份量可做直徑 4 厘米曲奇約 25 塊。



 



食譜參考自熊谷真由美嘅《鹹味點心》。






上次同
Ernest 媽咪整呢個曲奇時係用無鹽牛油,今次加番多少少鹽嚟整,
味道出奇地好食好多,而且我仲預先將豆渣焗過,成品更加酥脆。






雖然用豆渣整曲奇始終會比普通餅乾容易變腍,但今次改良
做法之後,成品仍可保持一定鬆脆度哦。







Notes

-
食譜原用黍砂糖而唔係黃糖。




-
原食譜係用 100 菜油




-
如果唔想另外買有鹽牛油的話,可以每 100
1/2
茶匙鹽代替。




-
豆渣預先入爐焗乾身之後,所做出嚟嘅曲奇就無咁易受潮變腍。




-
豆渣處理方法,請參閱《豆渣處理及保存方法》。

5 則留言:

  1. 緊張大師-小女人2012年11月3日 下午8:59

    講得好呀,我姐姐今早才問我點解全都係甜既,因為我家姐唔食甜品的.可以整鹹點實是太好了,因為我不想吃太多甜同糖了.....食少少鹹點十分不錯
    [緊張大師-小女人回覆11/08/2012 13:31:54]無特別只問候一下你近況而已.
    [版主回覆11/06/2012 23:41:51]好呀,借多啲食譜參考下,可以改進基本功。
    我工作唔太忙,不過要打理屋企囉!點解咁問?
    [緊張大師-小女人回覆11/06/2012 16:38:49]我打算學你去借幾本書睇下先,咁可以整多幾款食品,朋友你忙嗎?
    [版主回覆11/03/2012 21:54:26]係囉,所以我一連借咗幾本鹹點食譜。

    回覆刪除
  2. 我都好耐冇整曲奇lu....好彩我冇咩呢d心癮, 食唔食都得...
    咩事加左牛油又再固體菜油?上次睇BBC節目,提到呢D固體菜油根本就係反式脂肪
    [版主回覆11/11/2012 02:14:58]係囉,我一直都咁想死!!
    [Motonako.A回覆11/09/2012 00:34:28]豆記~~你唔好阻佢喇!
    [版主回覆11/04/2012 18:59:29]妳又問呢個問題?睇嚟妳睇得我個 blog 多都俾我啲老人癡呆於大氣中傳染咗!
    呢個問題我更知啦,我都話囉,我一來頂唔順全牛油嘅味道;二來個餅會鬆脆好多;三來,買咗唔同唔用咩!一年先食得嗰幾次,怕乜呀,係要病、係要死係整定嘅,該死唔使病!記住,勁煲煙嘅人未必係肺癌死;勁隊酒嘅人未必係肝癌死,況且我好想死!

    回覆刪除
  3. 點解要加固體菜油?
    [版主回覆11/04/2012 18:54:04]妳 check 吓固體菜油嘅特性妳就知點解我要加㗎喇!其實如果妳有留意的話,我基本上要打發牛油嘅曲奇,我都會用一半固體菜油代替。

    回覆刪除
  4. 我有時會用豆渣做肥料
    [版主回覆11/08/2012 02:35:24]知道!多謝分享。
    [Mrs. Benz 班太回覆11/07/2012 10:23:39]豆渣白鑊炒乾/焗爐焗乾/微波爐叮乾就得
    [版主回覆11/06/2012 23:43:16]我都有用洗米水做肥料呀!咁豆渣使唔使特別處理過呢?
    [Mrs. Benz 班太回覆11/06/2012 17:56:13]都得喎, 我阿妹用我D豆渣加洗米水種生菜同節瓜, 都無問題
    [版主回覆11/06/2012 17:49:49]豆渣做肥料?效果好嗎?我屋企種嘢好差呀,香草幾乎種嚫都唔得!

    回覆刪除
  5. 個色好......
    [版主回覆11/18/2012 01:35:43]有幾樣衰呀,朱古力唔係咁色,想要咩色呀?
    [Motonako.A回覆11/12/2012 16:04:46]咁睇落又真係幾..........樣衰吖嘛!
    [版主回覆11/11/2012 02:15:55]又諗埋啲咩衰嘢呀……

    回覆刪除