2013年9月26日星期四

又去「樹記」入貨

        其實前兩個禮拜先去完「樹記」買嘢,不過因為當時係返工前去買,所以買唔到要放雪櫃嘅嘢,你知啦,黃豆製品好易變㗎嘛,萬一中途變壞的話,真係得個拎字,而且佢哋賣嘅嘢都唔平㗎嘛!咁啱今日早收工,趕喺收舖之前去買嘢,放入保溫袋度,跟住就可以即刻拎返屋企喇! 
 
點解咁夜臨收舖先去買嘢都仲係要排隊㗎!?其實好耐之前媽咪已經去開呢度買豆製品,因為出名好食,但係嗰陣應該唔使點排隊,最多都係等兩、三個度,自從蘇施黃喺電視節目度介紹過之後,就攪到好多人都識去買嘢,之後就開始大排長龍,舖頭仲要專登擺放圍欄俾人有秩序咁排隊,免得影響左右隔離舖做生意! 
 
上兩個禮拜去先慘呀,晏晝十二點零一點去到,見到條隊十個人都無,以為好開心啦,點鬼知個太陽曬到正條隊,跟住啲職員又唔會快手快腳做嘢,反正都唔憂做,做得慢你哋都會照排隊買㗎喇,所以雖然得幾個人,但都企喺度曬足差唔多半粒鐘,熱到成身汗,真係黐哂線!!之前農曆新年仲勁,可能因為好多人會買嘢煮齋啦,排咗半個鐘至九個字,條龍都無乜點郁過,由街頭排到街尾咁滯,真係人都癲,你估真係唔使錢咩!!最後都係無買到任何嘢就走人,因為要趕住返工!
 
 
早幾日見到 blog 輕營媽媽又去「樹記」買嘢,話買咗差唔多 $70嘢,
話自己係咪傻咗,老實講,查實「樹記」賣
嘢唔平㗎,閒閒

都過百蚊啦!不過佢哋出品
嘅嘢豆香味真係好香濃,

Ernest 媽咪食過我買俾佢嘅枝竹都大讚,
食完都搭我再買。
 
 
 
 
 
 
今次主要係買新鮮豆製品,包括鮮腐皮,
放喺冰格度保存,隨時解凍
嚟煮麵,
食齋日就最
啱!
 
 
 
 
 
 仲有兩條素雞,一條係買俾 Ernest 媽咪嘅,
另一條過兩日我就會整咗佢,
到時再同大家分享。
 
 
 
 
 
一場到,反正都排咗隊一陣子,當然
唔少得買埋超香豆味嘅枝竹啦!
 
 
 
 
 
 
若果大家行經過舖頭,見到又無乜人排隊的話,就點都要買番一、
兩樣嘢喇,如果唔係都對唔住自己,因為唔使排隊買嘢
已經係賺咗㗎喇,哇
咔咔咔咔
~ ~ ~ ~ 其實好多人
都係買到左一抽、右一抽,係我排一輪隊
都只係買咁少嘢咋!

24 則留言:

  1. 等九個字一個鐘我唔可以接受, 最多唔食。

    回覆刪除
  2. 有同事介紹過樹記, 但真係好小出個頭.

    回覆刪除
    回覆
    1. 有機會經過開先去囉,唔使特登走出去。

      刪除
  3. 通常要排晒大隊果D我一定冇耐性等....XD

    回覆刪除
    回覆
    1. Allie我同你一樣,但碰巧遇著我先生守深水埗我會請他替我買,但人多佢都會走,

      刪除
    2. 所以都係見條龍短先排咋!

      刪除
  4. 唔睇你介紹都唔知樹記係賣咩XD

    回覆刪除
    回覆
    1. 係?好出名喎!咁妳要多謝我袋錢落妳袋喇,哈哈!

      刪除
  5. 回覆
    1. 係呀,所以有幾次去到見到條龍咁鬼長,即刻掉頭走人!

      刪除
  6. 素鴨都係一個不錯既選擇呢!
    而家天氣漸涼,排隊耐D捱得住^^

    回覆刪除
    回覆
    1. 素鴨好似係裡面掃上調味料呀!

      係囉,天氣涼都無咁辛苦!

      刪除
  7. 想問你有冇用過佢啲腐皮煲湯水呀? 上次煲佐好耐都唔溶既...明明以前姑姐話靚腐皮好容易煲到溶晒架....

    回覆刪除
    回覆
    1. 係糖水先啱呀 or 煲粥

      刪除
    2. 有呀,我好多時都買佢哋嘅腐皮碎煲糖水,我煲嚫都溶哂喎!妳啲腐皮係咪發咗霉都唔知呀?發咗霉嘅腐皮就點煲都煲唔爛㗎喇!

      刪除
  8. 要等咁耐,我就唔食喇!

    回覆刪除
  9. 樹記d野真係越來越貴, 同埋越黎越多人買 , 搞到成日排長龍....... 不過佢d野真係好靚!!!!

    回覆刪除
    回覆
    1. 係呀,越賣越貴,出咗名呀嘛!

      豆味真係好香濃呀!

      刪除
  10. 個個都講到咁正, 真係想試吓.

    回覆刪除
    回覆
    1. 有機會經過見到無排長龍咪買嚟試囉!

      刪除
  11. 月頭中午路過,計埋我得3個人,好少咁冇乜人,我只喺買咗腐皮碎,好好食,煮麵食,炒菜用都得.

    回覆刪除
    回覆
    1. 嘩,妳真係好好彩喎,應該即刻走去買張六合彩啦!!!

      腐皮碎多數都係會用嚟煲糖水或煲湯。

      刪除