2013年9月5日星期四

如何訂閱網誌

         Yahoo Blog 度搬過嘅朋友,你哋熟習點用呢度啲功能未呀?我依家大致上都清楚知道有咩 function,但因為老人癡呆嚴重,好多曾經見過嘅功能,到要用時就完全唔知點去搵番出嚟,搵極都搵唔到,睇嚟都需要一段時間先可以運作暢順。

        相信好多 blog 友之前 Yahoo Blog 都應該有「訂閱」呢個習慣,因為實在好方便,可以通過 e-mail知道 blog 友嘅回覆,而且又會列出訂閱清單,方便大家去巡 blog

         咁喺 Google Blogger 呢度有冇呢個 function 呢?係有㗎,不過就稱為「追蹤」。但係大家要留意,追蹤係分咗兩種嘅方式,一種係 through Google+ 去追蹤,另一種係 through blogger 嘅身份去追蹤。用 Google+ 去追蹤係比較高層次,可以用到更多 function,但係有個唔好處,就係要通過 e-mail 先知道對方 update 同回覆,更重要嘅係,呢個追蹤方式係連繫到我自己 gmail 及其他 google a/c,如電郵、相簿等等,個人資料某程度上會被公開,私隱程度相對較低。

        至於用 blogger 身份去追蹤的話,就只會公開你喺開 Blogger account 時所填的資料,個人資料可以相對填少啲,甚至可以 做假,始終寫 blog 都係向公眾公開,都唔想俾人知道自己太多真實個人資料吧!仲有一樣好處,就係唔使 check e-mail 都可以知道訂閱 blogger 嘅留言回覆及新文章發表,仲會節錄部份文字及相片俾你睇,全部資料都可以喺 Blogger 資訊主頁上搵到,我自己就覺得方便好多。

        了解清楚後,咁究竟點樣去裝呢兩個功能呢?

Google+ 追蹤
喺網誌主頁頭頂上的「設計」/ 「版面配置」 / 「新增小工具」/ 「基本」頁上第二個Google+ 追蹤者」。


Google blogger 追蹤
喺網誌主頁頭頂上的「設計」/ 「版面配置」 / 「新增小工具」/「更多小工具」頁上第一個「追蹤者」

 
        兩款訂閱方式都可以同時存在,至於揀邊個方式就 depend on 嘅個人需要喇!

43 則留言:

  1. 加咗追蹤之後, 到時個個搬blog過嚟, 怕唔怕一次過有好多update呢?

    回覆刪除
    回覆
    1. 唔 …… 咁我又唔驚喎,又唔係 e-mail,唔會爆咗個 account!同埋自己可以選擇性去瀏覽,好早之前嘅 Yahoo Blog 都有電郵通知對方 update 新文章及相片㗎!

      刪除
    2. 班太,唔會架,你想睇邊個都得。

      刪除
  2. hi~ 我連自己網誌條link都唔知係邊個呀 @@ 係咪新增網誌時自己打嗰個呀?
    得閒要再研究下...

    回覆刪除
    回覆
    1. 妳開始寫第一篇時妳自己咪自訂網址嘅,嗰個咪係囉!不過如果妳唔記得都唔緊要,妳開番妳個網誌首頁時,頭頂網址欄有 show 呀!

      刪除
  3. 咁請問我按了第二入去有個標題要寫乜呢?

    回覆刪除
    回覆
    1. 正如我所講,我無裝到 Google+ 追蹤呀,因為唔想公開太多私隱,所以我都唔知應該點做,不過妳唔知點做咪唔好改,用預設咪得囉!
      點解唔用 blogger 追蹤呀?

      刪除
  4. 多謝你抽時間咁詳細告訴我們,感激萬分

    回覆刪除
    回覆
    1. 唔好客氣啦,我都知大家唔多識用,我自己都摸咗好耐,咁自己知清楚少少咪同大家分享囉,妳唔記得我係做邊行咩?習慣要教人嘛,哈哈哈哈!!

      刪除
    2. 你喎,你教人真有一手,好多謝你呀Sir.

      刪除
    3. 哈哈,我不嬲都被媽咪話我無自信,一向都唔會認叻,只會認衰,但論到教學,我真係覺得自己好過好多人㗎,呢句話唔係自己讚自己,而係好多學生都咁講,特別係嗰啲以前跟開其他老師中途轉過來跟我,因為有比較嘛,佢哋話以前老師講極都唔明,但我講幾句就即刻明白哂,但佢哋話我其實都係講同一樣嘢,都唔明點解之前啲老師講唔明!

      刪除
  5. 點解我搵唔倒頂有「設計」既?

    回覆刪除
    回覆
    1. 有㗎!!喺妳個 blog 頁面右上角:電郵地址 / 新文章 / 設計 / 登出。

      刪除
  6. Thank You~~more clear & detail^^

    回覆刪除
    回覆
    1. 唔好客氣啦,大家互相分享幫忙嘛! :)

      刪除
  7. 回覆
    1. 好多謝願意分享呀,多啲機會俾人知道咪等於幫到人囉!妳好好人呀!

      刪除
  8. 哇,睇完你所講,而家明白啦! 就係想set blogger 追蹤,多謝samwei . 亦多謝你的解說!!

    回覆刪除
    回覆
    1. 真係唔好咁客氣,反正大家都係初嚟步到,乜都無經驗,咁自己 "參透" 咗之後咪同大家分享,幫吓大家解決問題嘛!

      刪除
  9. 我已加入了Google +, 亦一早追蹤了你,但click 入你的資訊頁,只能看到你是"男性", 沒有你的blog址 .......但奇怪的是手機上的"電腦版"反而見到你的blog 址,g+真的很混亂,但唔加入又失去聯繫。

    g+原本只是用於google用戶,blogger只是被收購寄人籬下吧,y! blog 比較一家一主,懷念。

    回覆刪除
    回覆
    1. 你係喺我個 blog 度 click 「加入這個網站」訂閱我個 blog 嗎?但係我睇番個「追蹤者」list 見唔到你喎!我啱啱去你度 click 咗「加入這個網站」,你個 list 又見唔見到我呢?

      我喺我自己個 logo 下面個名 click 入去個資料頁,睇到寫住 "男性" 之外,又有我個 blog 條 link 同我訂閱他人 blog 條 link。

      刪除
  10. thanks for teaching
    it is very useful

    回覆刪除
  11. 我真係電腦白痴同學習障礙,你寫得咁詳細我都一舊雲

    回覆刪除
    回覆
    1. 唔緊要啦,慢慢摸啦,總會有一日識用嘅!

      刪除
  12. 啱啱過黎blogger寫野,真係好多時都唔知d 功能鍵放在那裏。
    有D功能鍵又唔知點用。
    而家起碼知道兩個追蹤的分局喇。
    謝謝你呀!

    回覆刪除
    回覆
    1. 唔好咁客氣啦,我都仲係摸索緊,有時睇吓 blog 友介紹,有時就要自己嘗試,大家加油呀!

      刪除
  13. 哎... 我都唔係好識用...
    如1冇GOOGLE+既BLOG... 都只好"古法"甘去BOOK MARK佢~

    回覆刪除
    回覆
    1. 慢慢摸熟啦,唔使急喎!
      咁妳咪要用 "古法" bookmark 我個 blog? XD

      刪除
  14. 回覆
    1. 唔使客氣,互相幫忙嘛!

      刪除
    2. 請問追蹤英文係什麼,我的係英文blogger site, 我唔識字,好笨, sob sob

      刪除
  15. 阿虎舊年轉新版,廢咗個訂閱功能啦。
    呢度的追踪非常好。

    回覆刪除
    回覆
    1. 係咩?印象中好似都可以繼續訂閱喎!

      刪除
  16. 原來追蹤有分google 同 blogger 兩種, 唔追蹤左係咪加入在 [ 訂閱會員] 同埋成為會員?
    你會唔會copy 番以前的資料在新blog 內? 謝謝。

    回覆刪除
    回覆
    1. 如果用 blogger 身份去追蹤的話,只會做到訂閱功能;但如果以 Google+ 身份去追蹤的話,則所有關於對方及妳本人的所有動向資訊,都會與眾分享,正因為咁,我覺得私隱度較低,所以我自己無用 Google+ 呀!

      刪除
  17. 講得好詳細呀, 我都係比這兩個玩死左.

    回覆刪除