2013年9月17日星期二

又失敗呀!!

            嘩,發生咩事呀,呢幾個月咁黑仔嘅!?係咪要去鵝頸橋一轉呢!!
 
        連續幾個月都有學生因為移民、會考、不堪考試壓力、接到單大官司要打、被公司調上大陸做嘢而要停學,最大影響當然係收入大減啦!跟住整月餅又超失敗,今日用「星野」整包又失敗到爆!!
 
 
 

個麵糰已經發咗成 4 個鐘,都仲係撻底,只係大咗少少!
 
 
 
 
 
 
 
噚日已經整定個生種,話 24 粒鐘後見到有氣泡就可以
嚟整包,其實咁樣係咪仲未發得夠呢?
係咪要有好多氣泡呢?
 
 
 
        次次整嚫麵包如果唔係用即用酵母或老麵,一定衰硬,究竟係咪宿命哩!唉,又浪費咗半包「星野」酵母喇!!!



24 則留言:

  1. 我都唔敢用自酵種, 高風險呢。 你都要放鬆呀。教琴係咁啦, 有人走又有新學生。 我以前都係教琴架。

    回覆刪除
    回覆
    1. 係啦,真係好高風險,原本諗住整好就當晚餐,點知整唔成,好彩個冷宮有嘢頂替咋,如果唔係今晚就食風囉!

      嗯,原來妳都係同行,咁妳就好明白我嘅情況喇!

      刪除
  2. 會唔會係包酵母有問題呀?

    回覆刪除
    回覆
    1. 我都諗緊呢個問題,因為年底就到期喇!

      刪除
  3. 咪咁啦,如果係事實我不用再整糕和包啦,收工執包伏算啦,但一定會好有的,唔好咁灰啦,可惜我唔懂幫唔到你添,但暫時無工作當比自己休息下先,當有好多時想停都無得休息呀.朋友,一天會比一天好的,人生短暫,要好好享受每一天.每一事發生都定有因由,我們笑住過不是更好嗎?努力呀

    回覆刪除
    回覆
    1. 我都要執包袱囉!!!

      我唔想休息喇,呢廿年嚟大部份時間都係休息多過做!仲唔趁後生博咩?妳都知我係上門教,老咗就無咁好精神同腳骨力喇!

      刪除
  4. 再接再厲,放鬆啲!預祝你中秋節快樂~~~

    回覆刪除
    回覆
    1. 多謝鼓勵呀!

      我都祝妳中秋節快樂!

      刪除
  5. 千萬唔好氣餒, 加油! 希望在明天, 聽日中秋節, 開心D啦~~~ 中秋節快樂!!

    回覆刪除
    回覆
    1. 唔氣餒,習慣哂喇!都係呻吓啫。

      我都祝妳中秋節快樂!

      刪除
  6. 你整D嘢咁高難(對我來講),唔關運氣事嘅!
    學生舊嘅走會有新生來嗎!唔好灰心,暫時休息下!

    回覆刪除
    回覆
    1. 唉,只係呻吓啫!

      我都休息咗好多年喇,我唔想再休息呀,再休息就要瞓天橋底㗎喇,哈哈!

      刪除
    2. 天橋底都好Grand(睇下毛豆嘅天橋底)哈哈哈

      刪除
    3. 我同呢個人鬧翻咗好耐喇!!

      刪除
  7. 失敗乃成功之母,好快就有成果啦!加油!

    回覆刪除
    回覆
    1. 依家仲有半包酵母,要擇日試多次!

      刪除
  8. 老友記,萬事放下開心過節,祝你天天都要開心快樂呀.

    回覆刪除
  9. 祝:中秋節快樂!撥雲見月,好事齊來!

    回覆刪除
    回覆
    1. 多謝妳呀,小月,妳好有心呀!

      我都祝妳中秋節快樂,心想事成呀!

      刪除
  10. 要整到得為止
    中秋節快樂呀~

    回覆刪除
    回覆
    1. 哎呀,唔好意思,依家先得閒多謝妳呀!! Sorry, sorry!!

      無得整到得為止呀,因為老友淨係俾咗一包酵母我試咋!不過我問番佢,原來佢話佢都試過幾次呢個情況,應該係包酵母嘅問題啩!

      刪除
  11. 前日想整包,同你一樣咁發唔起一pat嘢,我第一次喺咁樣,掉咗囉,激鬼c我 .

    回覆刪除
    回覆
    1. 妳都係用「星野」嗎?

      做完一大輪功夫先嚟唔得,真係好激氣呀!

      刪除