今日又係十五喇，所以同兩個禮拜前嘅初一一樣，無留喺 Louisa 屋企食飯，教完佢哋就返屋企食。今朝一早抹乾淨佛壇，做過早課之後，就去煲定一煲番薯糖水，返到屋企就有得食啦！
熱辣辣、暖笠笠嘅番薯糖水，最啱依家天氣凍嘅時候食。Winnie，係咪
好吸引呢，有冇睇到流哂口水呀？哈哈！
今次煲呢個番薯糖水我落重薑，因為天氣凍，食多啲薑會暖啲嘛！當然，梗係有落埋我最鍾意食嘅麥米啦！不過今次就特別啲，用咗椰糖代替片糖。點解用椰糖？因為上次整南瓜布甸時，啲椰糖買返嚟只係用咗果一次，之後就無再用啦，咁我記得買果陣時個老細話可以當片糖用嚟煲湯水嘛，咁我咪用咗佢囉，費事擺係度都唔知擺到幾時！
食譜唔寫出嚟喇，因為應該個個都識整啦！吓，真係唔食？咁就睇番我之前個麥米番薯糖水啦，果度有食譜喇！
唔講咁多喇，要趁熱食湯水喇！！
我和太太是喜歡淨蕃薯糖水的.
回覆刪除[版主回覆12/03/2009 00:07:00] 薑都唔落？
真係幾吸引
回覆刪除我本來都會放好多薑去煲
但中醫話甘會好燥 所以薑的份量我都會減半
聽日我都煲先
[版主回覆12/03/2009 00:11:00] 哈，真係引到妳自己都要煲 嚟食！ 我今次都落 咗好多薑，但都係唔係好夠辣，可能 嚿薑唔夠老。
我噚日都整咗焗番薯呀....
回覆刪除[版主回覆12/04/2009 16:29:00] 點整呢？用錫紙包住放入焗爐？
無錯......真聰明呀！
回覆刪除[版主回覆12/05/2009 14:02:00] 我都試過咁整，但好似焗好耐都唔透心呀！