2012年11月25日星期日

香橙朱古力蛋糕 Cake chocolat à l'orange


 
之前整嘅糖漬橙皮其實係另有目的嘅,咪就係用整呢個咁正嘅香橙朱古力蛋糕囉!







材料:
牛油   150


雞蛋   6
低筋麵粉   65
可可粉
    120
泡打粉     3.5
糖漬橙皮
  120
朱古力
    155
淡忌廉
    120
    150
蜜糖
  33


- 牛油同雞蛋於室溫放軟及回溫;粉類全部混合過篩 3 次。



-
橙皮切成長形粒狀;朱古力座熱水溶解;淡忌廉放入微波爐內加熱至 40 左右



-
用電動打蛋器將牛油打至鬆軟,之後加入糖,繼續打至發白成牛油霜。



-
拌入蜜糖,攪拌均勻後,將雞蛋逐隻加入攪拌,直至混合物變得柔滑。



-
加入朱古力,混合好後再倒入淡忌廉,攪拌均勻。



-
然後將粉類一次過倒入,快手將混合物攪拌成帶光澤嘅麵糊。



-
拌入橙皮後,將麵糊倒入已搽油及灑粉或已鋪牛油紙嘅蛋糕模內。



-
枱面輕敲焗模,排出麵糊內嘅空氣。



-
放入已預熱至 190 嘅焗爐內,焗約 25 分鐘,之後打開爐門略為散熱。



-
調低爐溫至 170 繼續焗多 25 30 分鐘至完全熟透。



-
出爐後立即將蛋糕脫模並移至架上攤凍。


 


以上材料份量可做8厘米X 18厘米 X 6厘米蛋糕 3 個。


 


食譜出自土屋公二嘅《巧克力專業師的巧克力》。








淨係望見蛋糕個顏色同聞到嘅香味,就已經知道朱古力味係幾咁香濃。







蛋糕非常鬆軟,而橙嘅香甜味同朱古力永遠都係咁夾!






Notes
-
原食譜中糖嘅用量為215 ;蛋液 310



-
糖漬橙皮做法,可參考《糖漬橙皮》或《糖漬橙皮 ( 簡易版 )》,亦可用現成品代替。


-
根據食譜,打發牛油霜時需將攪拌兜直接上火加熱至 28

6 則留言:

  1. 緊張大師-小女人2012年11月28日 上午9:55

    我愛呢個蛋糕呀,但呢個材料多了忌廉,我跟你學了糖漬橙皮,我都可以做,但唔用忌廉好嗎?算啦反正家中有忌廉試一次咁多啦.我好想食添.留回聖誕好呀呢個蛋糕.多謝朋友,我鐘意你減了咁多糖呀.你以上食譜係可以整到一條對嗎?你二條係加了份量,定你用細焗盤呀?
    [版主回覆12/09/2012 00:48:43]我諗我都會學習一下!
    [緊張大師-小女人回覆12/08/2012 18:13:05]我老公話我太熱盛比人以為我熱情,我又太關心朋友這會令人想錯別的.我成日去幫人但係別人會利用這點,所以我學了去只關心一些值得我關心的朋友
    [版主回覆12/08/2012 01:05:11]你先生都講得好有道理,我都好多時會因為咁而攪到自己唔開心,但其實我係不自覺地去熱心、去幫人!仲有排學呢,唉!!
    [緊張大師-小女人回覆12/07/2012 16:19:56]又對呀,有時係真的,太好心又唔係咁好,我老公成日話我熱心幫心又有同情心,我係絕種動物喎,現今好多人都變了,佢話我好容易受傷皆因重情感,但我會成長會學習的,現在我都去分有些值得做朋友有些無興趣咁就唔怕啦.
    [版主回覆12/07/2012 02:48:48]唉,完全明白妳心情,最近我先遇到一模一樣情況,而且對方仲係已經認識好耐呢,真係有小小失望!
    所以我成日都覺得,問題未必在於對方,其實係自己過於熱心,太好人,太肯幫人!
    [緊張大師-小女人回覆12/06/2012 12:29:12]點解我識到你咁開心,因為我早初寫blog我不懂做菜整蛋糕,乜都唔會整,咁我見好多blogger整得好靚咪請教她們,我係一個客氣既人有禮貌地查問,但我得到的令我好傷心,自始我無去問,直到後來才再去睇人地既blog比我碰上你們這一班咁好既朋友,當初我幾失望同唔開心,唔回答有幾重要但唔好咁樣對我呀
    [版主回覆12/05/2012 22:14:11]點會嫌人煩㗎!我有唔識先請教妳,到妳有唔識又請教我,大家互相分享、交流嘛!所以我覺得有啲人真係好自私!
    [緊張大師-小女人回覆12/05/2012 10:15:01]對架係好浪費同現在生活辛苦物價又貴的環境,幸好我浪費唔多,我只掉過一二次其他所有制成品失敗了家人全都同我吃光,其實有些都會難吃但點解他們全都食晒,我媽媽仲話好好食我鐘意食呀...笑死,但包含了那偉大的愛,有他們我才有動力去整去學去做,只是我資質有限,這是是實但我唔怕我努力一定可以我知道的,更要多謝你唔嫌我煩不停係咁問,因為我真係想唔到才問但有些人會覺我煩
    [版主回覆12/04/2012 16:30:54]妳真有毅力,我反而覺得整嘢失敗係浪費食材!最近見到有過食譜係教用溶牛油整批底,於是我又試試用菜油整,點知失敗收場,浪費咗成 200 克粉同幾十克油!!
    [緊張大師-小女人回覆12/04/2012 11:42:40]幸好我有一鋪牛力,老公話我係打不死精神要不是爛左百多二百條卷蛋我又點會現在卷得咁好呀,有好多失敗經驗啦.
    [版主回覆12/03/2012 19:15:17]慢慢啦,好多嘢都係從失敗經驗中學懂,最緊要係有心同毅力!
    大家一齊努力吧!
    [緊張大師-小女人回覆12/03/2012 17:52:50]我現正學習中,慢慢去領悟,但有點難度,但我會努力的,幸好有你們經常會教我,哈哈,我覺得自己好幸福架
    [版主回覆12/02/2012 19:17:20]其實都係自己調校,試多幾次就可以慢慢掌握到!
    [緊張大師-小女人回覆12/02/2012 10:58:09]呢個才是大問題呀,一講到要減份量,加加減減既事我就怕怕啦,計數真係無我份呀
    [版主回覆11/30/2012 18:08:16]應該都無問題,不過妳要適當調校入爐時間啦!
    [緊張大師-小女人回覆11/30/2012 17:26:02]啊咁我明白,你無用別的尺寸你照足都係咁樣焗盤去做,朋友你,如果我無呢個尺寸咁我有六七八吋既圓型模,你估得唔得呢?或者....等我看看仲有乜模先
    [版主回覆11/30/2012 16:41:04]個橙皮未醃夠咪無咁靚囉!等耐少少就可以咁靚啦!不過就咁食都有少少澀。
    如果妳唔係咁食得甜,我建議妳最好再適量減糖喇!記得用高濃度朱古力整呀,如果唔係就仲甜呀!
    其實 exactly 就係好似上面講嗰個 size 嘅磅蛋糕模 3 個,妳有無見過 JUSCO $12 店賣嘅不鏽鋼磅蛋糕模呀?我就係用佢整囉,不過我得兩個,另外再用兩個長紙模,上面幅相都見到㗎!
    [緊張大師-小女人回覆11/30/2012 09:51:58]我跟你學架個橙皮,要不是我鬼識整呀,無你咁解得咁好咁詳細分析比我們知又有最後既Notes溫馨提示喎,但整得好唔好真係唔夠膽講,未食未試但個樣就無你整得咁吸引咁啦.那我跟食譜做一次試下先.仲甜呀???!!!我要再減嗎?你三條既焗盤有幾大呀,我無咁多咁既盤添???
    [版主回覆11/28/2012 20:11:39]妳整埋橙皮咁叻呀,讚!
    唔落忌廉?唔知得唔得喎,我跟食譜咋!
    我減咁多糖,都仍然算甜呀,你話日本仔幾食得甜呀!!
    唔係呀,我跟足份量整 3 條㗎,因為除自己食外,仲要送俾朋友。

    回覆刪除
  2. 聽你講到好香咁....好想試...不過我冇糖漬橙皮哦!
    整鬼你做咩放三舊橙皮響面呀...睇落似足肥豬肉皮呀!
    [版主回覆11/30/2012 16:33:58]M.A.,無橙皮咪買現成囉,不過一定無自己整咁香。
    [版主回覆11/30/2012 16:32:13]土屋公二原本係教用三大片橙做裝飾,我費事專登買個橙整咁煩,就地取材裝飾就算!
    [芹菜回覆11/29/2012 19:24:39]我都覺得三條橙皮好梗眼!

    回覆刪除
  3. 好特別喔!
    [版主回覆11/30/2012 16:27:57]其實係橙皮朱古力磅蛋糕呀!

    回覆刪除
  4. d橙皮使唔使切咁粗條呀..切幼細既, 更加入味架.
    [版主回覆11/30/2012 16:30:06]呢幾條係裝飾咋嘛,整嗰陣時食譜係原個橙皮浸漬,整蛋糕時就切粒囉!

    回覆刪除
  5. 好得喎,你好多產呀!
    [版主回覆12/01/2012 01:10:27]唔算多產喇,人家比我更多呢!

    回覆刪除
  6. 香噴噴
    [版主回覆12/01/2012 19:27:14]朱古力味同橙味都好香呀!

    回覆刪除