南瓜忌廉雞湯

        今日講埋星期二果日最後一樣整嘅嘢，就係一個懶人西湯 — 南瓜忌廉雞湯。點解會係懶人湯？睇吓材料就知道。

材料：
南瓜                      500克
罐頭忌廉雞湯      1罐
檸檬葉                  2片   
黑椒粉                  適量
肉桂粉                  適量

- 南瓜去皮、去瓤，切細粒蒸熟後，放入攪拌機，加少少水打成南瓜蓉。

- 將忌廉雞湯倒入煲內，加入一罐水煮開，並加入檸檬葉。

- 湯煲滾後，倒入南瓜蓉，拌勻，再加適量黑椒粉同肉桂粉調味就 OK 喇。 

        就係咁簡單，咁你話係咪懶人湯喇！

南瓜忌廉雞湯，加埋合桃乾果裸麥包同柚子沙律，就係我同老豆星期二晚嘅晚餐喇！