2009年8月8日星期六

合桃乾果裸麥包 Walnut Dried Fruit Rye Bread

        其實手頭上都有好多唔同嘅麵包食譜,但係睇見有好多都好似好難整,尤其係仙姐果隻17小時中種,好多 blog 友都話無 KA / KM 就唔好整,真係嚇怕咗我,所以搵來搵去,最終都係揀番雪媽媽個食譜,好似比較易做啲,較為適合家庭製作及初學者。



材料:
高筋麵粉                            160
裸麥粉                                 90
暖水                                    160毫升
乾酵母 ( Instant Yeast )      4
鹽                                         2
糖                                         20
橄欖油                                
12
合桃                                     35
紅莓乾                                 15
橙皮乾                                 10

- 先將酵母溶於溫水內,拌勻、靜止10分鐘。


- 所有粉類材料、鹽同糖倒入不銹鋼盤內,加入酵母水,用手搓成粉糰,之後
 
取出,放枱面上,繼續搓至麵糰光滑。

-
逐少加入橄欖油,然後不斷搓揉同摔打麵糰,直至拉開麵糰時出現薄膜為止。


- 將麵糰滾圓並黏緊收口,   放喺已搽油嘅不銹鋼盤內,然後用保鮮紙冚住發酵約
  45
分鐘。


- 當個麵糰發大咗差唔多兩倍時,可將手指沾上高筋麵粉,之後插入麵糰,如果個
  
窿無即時收縮,就代表第一次發酵完成。


- 用拳頭打扁個麵糰,將裡面嘅空氣排出,然後將麵糰拎到枱面上分割成 4 小份,
 
將小麵糰滾圓後,冚上保鮮紙鬆弛 10分鐘。


- 將麵糰用擀麵棍擀平薄,然後放上合桃、紅莓乾同橙皮乾,將麵糰包好收口並再
 
次滾完。

-
將滾圓後麵糰放喺已經鋪上防黏紙嘅焗盤上,放入焗爐內作最後發酵。


- 當麵糰發酵到大約兩倍大時,就篩少少高筋麵粉喺麵糰上面。

-
之後放入已預熱至200 °C嘅焗爐內內焗 25 - 30分鐘至熟。





參考食譜:《自家製麵包》by 雪媽




        麵包果然好食,比想像中還要好,外皮焗到有少少香脆,包心裡面軟熟,加埋合桃同乾果一齊食,甜甜哋,好好食,真係諗唔到咁好食。




Notes
-
可用電動打蛋器嘅搓麵糰槳攪成麵糰雛形,咁就可以慳番唔小力。


- 想清楚睇到麵糰搓柔時嘅各種形態,可睇番上次個法式小餐包各個步驟。


 


P.S.  之前睇過唔少書都話裸麥粉係比較濕潤,今次自己就完全體會得到,個麵糰搓來搓去都仲係好濕,所以我間中都落少少高筋粉落個麵糰度,咁樣會好少少。


沒有留言:

發佈留言