其實喺超市留意咗呢隻穀物早餐好耐，因為有我鍾意嘅蘋果同肉桂嘛，不過一日唔減價，一日都唔會買嚟試，因為我覺得唔值呢個價，我寧願買番燕麥方脆好過。點知早幾個星期卒之俾我等到佢減價喎，咪買返嚟試味囉！
打開個盒，剪開包裝袋，已經聞到好濃嘅蘋果味同肉桂味，即刻攞粒嚟試吓，嘩，好鬼甜呀，真係甜到阿媽都唔認得！！
本來呢類穀物早餐係屬於健康食品，但係整到咁甜，就一啲都唔健康啦！而且摸完之後隻手會有啲油 o添，係我食過咁多隻穀物早餐之中唯一一隻咁甜、咁油。所以我都唔推介俾各位喇！
都係燕麥方脆好食啲！
加奶会好啲架！你真係好鬼精打細算呀！
回覆刪除[版主回覆08/31/2009 17:22:00] 我雖然唔飲奶，但就會加維他奶或鈣思寶一齊食。妳果邊有冇鈣思寶？ 無辦法啦，始終我收入唔穩定，唔可以亂洗錢呀！
做木康布典,用yogut代替whippy cream.好好味嘅.最上層放上ceral碎.再加上杏仁碎.味道一流.不妨試試包你愛上它.
回覆刪除[版主回覆03/27/2011 19:51:00] 有機會都試試先！多謝分享呀！