2009年12月12日星期六

失敗咗嘅白麵包多士!

        咗個方形麵包箱咁耐都未用過,咁今朝第一個學生要返工唔得閒嚟上堂,於是我就趁呢個空檔試吓整包包啦!不過,可惜失敗咗!



 


        到咗最後發酵時,跟住食譜所講果個時間發酵,但係時間到咗之後,個麵糰都仲係咁嘅樣,好似唔係好夠大!



        因為今次係第一次整,所以唔係好知真正要發到幾大,再擺耐啲又驚會變咗酸種,所以唔等喇,就咁入爐啦!


 



最終就發唔起喇!


 



不過就外皮好脆,裡面都叫做軟熟,當然,梗係唔會好似一般
方包咁 "柔軟" 啦!之後我仲搽咗花生醬食 o添!


 


        究竟係咪要等到再發大啲先至入爐呢?要發到幾大先至啱呢?關唔關因為跟食譜噴蒸氣而出事呢?因為無任何油脂?搓得唔夠?定係 ………


        啲高人好快啲出手相助啦!!!!!!!!!


4 則留言:

  1. 呢個譜係點架? 佢叫你發幾耐? 會唔會凍得滯?不過依家既天氣又唔係凍丫...
    [版主回覆12/14/2009 00:55:00]        嗯,妳個 icon 轉 咗 一家三口呀!好 sweet 呢!         我打個食譜出 嚟啦: 高筋麵粉  250克 鹽              5克 糖              5克 麥芽          5克 酵母          4克 水              150毫升 (原食譜份量全部 double) - 混合所有材料。
    - 搓至起筋後初步發酵 40 分鐘。
    - 輕摺成球形,再發酵 35 分鐘。
    - 分割,搓成球形,收口於底。( 我自己就先排氣 )
    - 入模內最後發酵 55 分鐘。
    - 220 °C 焗 25 - 30  分鐘,中途噴蒸氣。 P.S.  發酵時,我放入焗爐內,用 40 °C。

    回覆刪除
  2. ^皿^" E你個爐有40度咁好~不過會唔會熱得滯? E?會唔會酵母份量少左, 阿SIR話最少都要用5g
    [版主回覆12/14/2009 02:45:00]        我睇說明書話  40 °C 係用 嚟發酵麵包,但其實我係預熱 咗 5 分鐘之後就再無繼續開爐,只係靠餘溫一直暖住佢咋!         我見全個份量係 7 克,所以 諗住一半份量就用  4 克咋!

    回覆刪除
  3. 阿sir話5g以上就可以咁計
    [版主回覆12/16/2009 17:23:00]        即係咩意思,唔係好明 o添!

    回覆刪除
  4. 即係最少要用5g依士
    [版主回覆12/16/2009 22:43:00]         哦,原來最少都要用 5 克 o架!

    回覆刪除