南乳蓮藕燜麵筋

        試過整南乳蓮藕燜腩肉，非常好味，不過其實我唔好肉之餘，又好怕處理生肉，整整吓可能連豬肉都唔使食！適逢要煮齋時又想食呢個餸，咁就用麵筋代替豬肉嚟燜啦，仲乾手淨腳得多！

韓國手信

        阿馳同阿瑩啱啱去完韓國返嚟，買咗好多手信俾我呀！

 

 

紅麴杏仁雙色雪芳食譜

        本來諗住偷懶唔打食譜喇，俾個參考食譜大家算數，不過應 blog 友小月嘅要求，同大家分享個食譜啦！

禮物

        好多謝 Ernest 媽咪同 Ada 送俾我嘅禮，非常鍾意，merci beaucoup！！

 

 

 

假日出品

        呢個禮拜因各種原因，巧合地導致幾乎日日都量地兼拍烏蠅，雖然天氣凍唔多想郁，尤其係濕手洗嘢，唔單只凍到對手僵哂，仲乾到裂哂㖭！但係咁得閒都不事生產的話，好似有點兒那過，自己都會有罪疚感。所以趁前兩日稍為暖少少就整咗幾樣嘢咁啦！

 

 

肉桂蘋果蛋糕 Cinnamon Apple Cake

        剛過咗十五，又係清蘋果嘅時候，供過佛嘅蘋果我多數都會用嚟煲湯、煮日式咖喱或整 apple crumble。今日突然間好想食肉桂蘋果蛋糕，就整呢樣啦！

 

紅麴杏仁雙色雪芳

        由於近排頭痛頻密咗嘅關係，所以又要食番止痛藥，但唔知係因為啲藥好耐無食，放得太耐而失效，定係因為呢排頭痛加劇，食完藥都止唔到，穩陣起見，搭 Ryan 媽咪返診所幫我配藥，起碼熟人幫手會可靠啲，點知Ryan 媽咪不但俾多幾粒超貴兼副作用低嘅特效藥我試，仲唔肯收番錢㖭！

 

        咁我都要識做，送番個蛋糕俾佢啦！

 

照燒南瓜雞肉丼飯

        仲記得之前我喺「SOGO」度 “搶” 到個日本南瓜嗎？諗住天氣咁涼，而且南瓜就咁擺室溫都無問題，見佢都無轉過色，所以一直都無理佢。直到前兩日，發現外皮有多處開始變腍，係時候要整咗佢嚟食喇！

 

 

北芪黨蔘螺頭煲豬腱

           年年入冬之後都會即刻大規模減產，因為天氣凍個人都懶好多，唔多願郁，更加唔想成日洗凍水，雙手又僵又爆拆，所以除咗會煮正常飯餐之外，額外嘢一律少整！

 

       近呢一個月頭痛加劇，幾乎日日都痛過咁滯，就連咖啡都未必止到痛，唯有要食藥，所以一有時間都係要嚟休息，唔會再攪咁多 “花臣” 嘢喇！

 

        趁今日唔需要煲齋湯，買咗嚿豬腱又煲藥材湯呀！

 

 



 

真係峰迴路轉

        唉，攪咗一大輪，原來都只係一場戲！！
 
        自己疏忽照顧個 B，出咗事又唔敢承擔責任，攪到全港人都為佢兩母女擔心，欺騙咗人家嘅關心之餘，仲屈咗個疑似內地人做呢單嘢，加深港人對內地人嘅憎恨，新聞報導出事當日，已經有唔少人喺 Facebook 度鬧爆內地人！

        呢個阿媽真係要受到適當懲罰至得呀，並希望 B 女可以早日安息！

傍晚簡餐

        雖然係傍晚六點零鐘食嘅一餐，但舊 blog 友們都應該知道，呢餐只不過係我一日裡面嘅第二餐 (即係 lunch 囉)！

 

泰國醬料包

        老表真係開心，成日都去旅行！今次佢又去佢最鍾意嘅泰國玩喇！

 

        早排先喺 blog 友鬼嫁度睇到佢大量入貨「Blue Elephant」嘅醬料，好似上倉咁款，我仲講笑咁話下次要搭佢買啲返嚟試吓，點知 …… 

 

用同樣方法去培植天然酵母可行嗎！？

        啱啱喺 Yahoo 度睇到，話有美國科學家用腳臭菌、腋下及肚臍嘅細菌嚟發酵芝士，鍾意自家整天然酵母嘅 blog 友們，整包時又多個方法可用喇，哇咔咔咔咔 ~ ~ ~ ~ ~ ~ ~ ~

網頁原文：

起司發出的臭酸味與人類身上某些部位的味道有些相似，例如腳臭味、腋下、肚臍，因此有科學家異想天開的採集人體這些部位的細菌，製作成「人類起司」（Human Cheeses）。

根據英國《每日郵報》（Daily Mail）報導，同樣都是細菌發酵所產生的味道，但以腳臭味、腋下、肚臍眼的細菌所製成的「人類起司」光是用想的就令人作嘔！此外，別擔心！因為科學家們並沒有要販售或是食用這款起司，只會在都柏林的合成生物學展覽上展示。

來自美國的科學家加帕基斯(Christina Agapakis)與挪威學者托拉斯(Sissel Tolaas)共同執行了這項計畫「自製」(SelfMade)，與廚師研發出11種來自人體部位細菌的起司。

加帕基斯說，這項計畫更加確認人體與起司上一些獨特微生物產生的特有氣味非常相似，這項令人反胃的起司實驗，主要是觸發、提升有關身體與細菌之間的關聯性，藉此應用在健康和疾病的基因工程研究。


 

麥芽糖清貨第二擊

        繼續清麥芽糖行動，今日整咗個久未露面嘅燕麥條，對我嚟講，呢個都可謂毫無難度，永無失手之作。但係，人始終都會有老貓燒鬚嘅時候！

 

        正因為久未露面嘅關係，唔唔係好記得整嘅步驟，原本糖應該係同油及麥芽糖一齊煮溶，但就慣咗好似整 muffin 咁乾料有乾料混合，濕料有濕料拌勻，將糖撈埋入燕麥片內，以為無乜事啫。

 

日韓食材

        前兩日收到「AEON」個電郵，超市依家正係做緊韓國食品節，見到用開嗰隻韓國辣椒醬好平，只係賣 $30 ，一於去入貨！

 

紅麴方包 Red Fermented Rice Loaf

           早前 Ernest 媽咪同我講，有次問 Ernest 想食乜，諗住買俾佢食，點知佢居然話想食自家製麵包！食自家製麵包本來係一個理所當然嘅指定動作，基本上日日都新鮮出爐，但自從工人姐姐走咗之後，Ernest 媽咪就做到一腳踢，根本無多餘時間拎出嚟整麵包，頂上嗰個工人又乜鬼都唔識做，仲越幫越忙，難怪 Ernest 咁掛住以往嘅 “美好時光”！所以我呢幾個禮拜如果有整麵包的話都一定分一半俾佢哋。之前整嘅無花果合桃鄉村包同 foccacia 都有俾佢哋，但原來Ernest 淨係食白麵包！所以我今次要特登整個 toast 俾佢哦！

 

        唔知點解，我成世人做好多嘢都係事與願違：要搭嗰架巴士就永遠都送車尾，到唔使搭佢時就梗係第一架到，要搭嗰架就反而等好耐先嚟；平時去街市買餸時成日見到嘅嘢，到想買嚟食時就居然全個街市都無得賣；平時整嚫方包都唔多成功，而且最少都要用成兩個鐘以上先發酵到八成滿，今次諗住整個靚靚山形多士俾 Ernest 啦，點鬼知一粒鐘都唔使就已經發到黐實咗個模蓋，仲黐到實一實，開都開唔到，咁就唔想整方包都唔得啦！頂，真係激鬼死呀！！！

 

 

陳醋雜菜燜豬腱

        估唔到上次 post 完麥芽糖夾餅篇 blog 一個禮拜後，喺報紙度睇到港人十大喜愛零食，居然麥芽糖夾餅都榜上有名喎！我以為呢樣嘢都已經消失喺呢一輩嘅細路同年青人度，話得係我嘅兒時味道，都有番咁上下歷史啦，依家物資豐富，而且大部份家庭經濟都有番咁上下，真係諗都諗唔到仲會係呢代人嘅喜愛零食，可能投佢一票嘅全部都係六、七十後哦，哈哈！

 

        講番正題先，好多時見到 blog 友們整好多好吸引嘅菜式，我都好想試整，但係好多時都係牛、羊、鴨之類，我都唔食嘅，變咗都無乜興趣整。有次同 T&P 講開呢個問題，P 姐話可以用豬腩、豬腱、排骨等代替，豬腩同排骨要嚟煮餸都成日會用，但用豬腱嚟煮餸就真係未試過，平時買豬腱多數都係要嚟煲湯，估唔到用嚟燜餸的話，佢嘅口感同煲完湯之後好唔同，食過第一啖之後，居然鉤番起十幾廿年前我仲食牛肉時，對牛腩肉質嘅模糊印象，真係有點驚喜！

 

慢煮三文魚配南瓜甜薯蓉

        前幾日見到網友鬼嫁整慢煮三文魚好吸引，網友 BK 都整咗，仲再做多過少油版做實驗，見到佢哋咁成功，攪到我都好想試吓！

 

        咁啱前兩個禮拜去「IKEA」買個浴室角架，臨走時去咗食品部買急凍三文魚柳同煙三文魚，咁我就可以跟住試整，所以前兩日又去嘉咸街買沙律菜時，就順手買多紮蒔蘿返嚟準備整呢個慢煮魚。

 

        至於個南瓜甘薯蓉呢，我之前都已經整過一次，效果好滿意，所以都想喺度同大家分享一下。因為南瓜嘅水份比較高，可以令到薯蓉無咁乾之餘，仲比較滑溜，所以唔使好似一般做法咁又加牛油、又加奶同 cream 都一樣好 smooth，只需加少少 mayonnaise 就已經夠哂順滑，咁整法真係健康好多哦！

 

 

麥芽糖清貨第一擊

           早前打開個櫃諗住摷嘢食，摷吓摷吓，點知見到罌已經幾乎忘記咗嘅麥芽糖，心諗，咁耐無用，要喺呢間屋 “生存” 得到都唔易！打開蓋一睇，果然開始嚟料喇，但情況居然比想象中好好多，撇走面頭嗰 “浸”，下面完全無事，仲好香麥芽糖味，咁要快手清埋佢至得喇！

 

 

榛子咖啡磅蛋糕 Hazel Nut Coffee Pound Cake

        上次整咗兩條 pound cake 自己都無份食，今日整番條咖啡味加老表送嘅榛子俾自己食至得！

 

 

和味叉燒 & 豬頸肉

           大家千祈唔好誤會，以為我咁自大，讚自己整嘅嘢食和味哦！「和」字者，乃「日式」也。

 

        之前同大家分享過自製橘子醋，咁依家就同大家分享一下點樣去利用佢呀！睇完以下所用嘅醃料，你就會發覺真係好和風、夠哂「和味」呀！

 

久違了的 foccacia

        真係好耐無整 foccacia 喇，突然間抽起條筋好想食，即刻預備好哂所有材料，開工！

 

 

無花果合桃鄉村包



        上次接 order 整 pound cake 用剩咗啲無花果乾，加埋合桃一齊整麵包，我非常鍾意，因為食包時可以同時嚐到合桃嘅香脆同無花果嘅香甜。

 

        今次用咗法國藍帶廚藝學院本《法國麵包基礎篇》裡面個鄉村麵包麵糰做包底，配搭效果超好。

 

 

老表德國手信

        老表 Lily 早前去咗德國旅行，玩咗兩個禮拜，買咗兩樣手信俾我。

 

橘香紅莓英式烤餅

        用埋之前整橘子醋嘅剩餘物資，整咗呢個充滿清新橘香味嘅全麥 scone。

  

 

和風橘子醋

           我一向都有買日式柚子醋，特別鍾意佢嗰種清新嘅橘香味及淡淡酸味，夏天用嚟整沙律、配冷麵都好正，用嚟醃肉都唔錯，平衡一下肉類嘅油膩感覺。

 

        最近發現，我一直買開「AEON」自家品牌「Topvalu」嗰隻原來唔係柚子醋，係橘類水果醋！因為唔識日文嘛，咪信哂貨架上個產品名稱囉，可能係連職員都唔識日文，哈哈哈哈！！！睇番樽身個英文成份表，原來係用檸檬汁、橙汁同柑汁加日本醬油調製而成，成份咁簡單，自己整都得啦！上網參考過其他網友做法，自己又玩吓先！