嘩，真係好準，仲準過天文台呀！

        你哋通常會喺咩人口中聽到呢句說話呢？相信都好少會喺一個三十零歲嘅人口中聽到吧！

        今朝一早起身已經覺得條頸好唔舒服，扭又扭唔鬆，好辛苦，全日都有種作頭痛 feel，心諗：呢一兩日一定落雨喇。

        啱啱正話喺廚房做嘢，準備今晚餐飯時，望出街外，果然真係落緊雨，幾 "靈" 呢！所以果啲有風濕嘅人可以好準確咁話俾你聽幾時會落雨。