南瓜提子麵包

        哈哈，有 coupon 唔好嘥，繼續試吓美心其他款式嘅裝包先！今次就揀咗呢隻南瓜提子麵包，皆因我真係勁鍾意食南瓜 o架。

        嘩，啲顏色好靚，好金黃呀，不過佢係有落到色素 o架！深橙色嘅粒粒就係南瓜粒嚟 o架！

        個包用咗好多提子乾同鮮南瓜粒，第一啖咬落去已經 feel 到南瓜淡淡嘅清甜，咪以為 "淡淡" 即係代表唔夠濃味呀，其實代表個味已經好出 o架喇，我都試過幾次用南瓜嚟整蛋糕，但係無論落幾多，即使顏色已經好金黃 ( 當然自家出品就無用到色素啦 )，都食唔到南瓜味 o架，所以 "淡淡" 都已經係好有味道喇！睇番個成份，南瓜係排第三位 o架，只係僅次於水同麵粉，即代表成份當中南瓜所用嘅份量都幾多，因為所有食品成份表裡嘅材料都係根據用量多寡嚟排次序，份量越高者就排喺最開頭，所以點解南瓜味都幾出呢。