好豐富的一餐晚飯！

        噚日喺 Louisa 屋企食果餐晚飯真係好豐富，佢仲自已落手落腳煮 o添！整咗大蝦天婦羅，紹酒煮青口，漢堡雞扒，但最精彩嘅都非稻庭風手打烏冬莫屬喇。

        呢隻烏冬真係勁好食，滑得嚟又帶點煙韌，正！咁當然唔及得上喺日本即整即食 o既烏冬啦！但係都唔差得太遠。記得之前同媽咪去日本玩時，食過當地嘅 shabu shabu 烏冬，真係念念不忘，又滑、又爽，剩係食佢都已經好滿足，都唔駛食其他火鍋料。

        飯後仲有甜品心太軟 o添！本來我同 Louisa 都諗住自己試吓整嚟食，點知俾佢發現到專賣 puff 嘅 Bread Papa 有得賣，仲唔係好貴 o添，$15 一個，好過自己整啦，而且味道都唔差，都OK o架！一切開個蛋糕，裡面啲朱古力漿就即刻湧出嚟，好興奮呀！

        噚日食完呢個心太軟之後，第一次 feel 到人哋成日講話食完 dessert 果種好開心、好滿足嘅感覺。