材料：
扁上海麵
雞胸肉
火腿
小棠菜
薑片
蒜茸
醃料：
鹽
糖
生抽
雞粉
紹酒
胡椒粉
調味料：
鹽
糖
蠔油
雞粉 / 清雞湯
栗粉
紹酒
麻油
雞胸肉洗乾淨，用醃料醃好；火腿切絲備用；小棠菜洗乾淨、開邊；上海麵煮熟後，盛起、過冷河備用。
煲滾水，放入薑片，加入雞粉同少少糖做湯底。將雞肉放湯底內烚熟，之後盛起、用手撕成雞絲備用。跟住就放入小棠菜灼熟，盛起後就加入已過冷河嘅上海麵煮番熱。與此同時，燒熱油鑊，爆香蒜茸後，就可以放雞絲同火腿絲落鑊炒香，灒酒、兜炒一陣之後，就加入蠔油同糖拌勻，之後用粟粉水埋芡，最後加幾滴麻油，拌勻後就可以舀起，放於麵上，再舀入湯，一碗香噴噴、熱辣辣嘅火腿雞絲湯麵就完成喇。
P.S. 湯底味道唔駛太濃，因為煮雞絲同火腿絲時加入的調味已經足夠，如果唔係，味道就會太濃。
(Empty)
回覆刪除[版主回覆04/09/2009 12:27:00] 唔駛流口水啦，妳都可以煮 o架嘛！
你好, 你真是很熱愛入廚, 相信你下了不少功夫. 看見你個blog有這麼多美食, 感覺好開心! 另外, 見你的前言, 我很感動, 我和你一樣非常非常愛媽咪, 但是現在都不能拖住她的手! 過了這麼多年, 我都會喊! 不過, 我們要努力面對將來呀 !!
回覆刪除[版主回覆04/09/2009 12:41:00] 我冇乜點下過功夫 o架，只係近呢兩年先開始慢慢摸索。不過因為以前都成日都入廚房幫媽咪手，媽咪都會教番我幾招，加上自己對烹飪又有興趣，所以咪成日上網搵食譜，仲會去圖書館借書返屋企學煮囉！
早幾日我都有佢拜我媽咪，我以為已經隔 咗差唔多兩年，應該今次唔會再喊喇 啩，點知都係衰 咗！其實要忘記真係好難。之前我有個好朋友見我咁傷心，連出街食飯講起到 喺度喊，佢就安慰我咁話：「你依家會咁傷心，就係因為你之前同媽咪 嘅關係好好，如果唔係，你根本唔會傷心成咁，所以你應該覺得開心，因為你同媽咪曾經有過一段咁好 嘅關係。 」
我聽完之後就可以釋懷，放低 咗少少，所以我一直心裡面都好多謝呢個好朋友！希望妳都可以用呢個想法去舒緩自己 嘅傷痛心情。
哈...我鍾意食多d!
回覆刪除[版主回覆04/10/2009 10:59:00] 咁唔煮又邊有得食呢？