呢兩日上網寫 blog 時，見到自己個 blog 嘅訂閱者超過咗 100 喇！
睇番我開 blog 嘅日子，係 1 Jun 08，原來兩年都無喎！但係就真係諗都無諗過自己都會堅持到咁耐囉，因為我打中文勁慢 o架，所以其實我打一篇短短嘅網誌都要好耐，好嘥時間呢！亦都無諗過咁短時間內會有咁多朋友支持我個 blog，小弟都好開心 o架！
當初寫 blog 嘅原因，都只係為咗做個紀念，同埋方便患有嚴重 "老人癡呆" 嘅自己搵番之前整過嘢食嘅食譜，完全無諗過會有咁多朋友支持自己，而且仲識咗一班好好嘅 blog 友，當中更不泛有相當經驗或專業嘅高手，不但只我可以向佢哋請教煮食心得，有時對方更會主動話番俾我聽正確烹調方法或分享心得，真係獲益良多！所以睇番一直以嚟咁多篇網誌，都發覺自己進步唔少 o架，不單只係烹飪技巧，就連幫自己 "傑作" 影相嘅攝影技巧都在不斷進步中。
喺呢度再次多謝咁多位 blog 友嘅支持同無私嘅分享，希望大家嘅廚藝都喺嚟緊嘅日子不斷進步，不斷改進啦！
加油呀！
回覆刪除[版主回覆04/22/2010 02:28:00] 多謝妳呀，Motonako.A！都係多得妳支持同教我整 嘢食咋！重要係有個正 muffin 呢！ 過多兩個禮拜，我 諗我會有 mood 交功課俾妳睇，我係指妳個勁掂叉燒呀！
恭喜恭喜, keep on.
回覆刪除我冇訂閱任何人呢, 因為我好少開yahoo mail, 訂左都冇用, haha
[版主回覆04/23/2010 16:21:00] 多謝你呀 A moon！ 咁又係呀，唔 check mail 一樣唔知 update 呀！