Kestrel's Blog: Ryan 送嘅掛飾

2010年4月20日星期二

Ryan 送嘅掛飾

上星期五去教 Ryan 時，上上吓堂佢突然間叫我落咗堂之後唔好走住，因為佢有嘢要送俾我，初時我仲以為講吓咋，點知原來真係買咗嘢送俾我喎，就係呢個掛飾喇！

Ada 話俾我聽，原來佢學校果日有活動教學，老師帶學生出去書局度買嘢，咁 Ryan 總共買咗 3 樣嘢，有送俾我呢個掛飾啦、送俾佢媽咪嘅十字架襟針、同埋買咗本書自己睇。咁跟住我就同 Ryan 講，咁你無買嘢送俾姨姨咩，喺果一刻，佢反應都好快，即刻走去同姨姨講，叫佢同媽咪 share 個襟針一齊用！哈，好攪笑，我同 Ada 聽見即刻瞪大眼，O 哂嘴，小朋友真係好天真可愛！於是我同 Ryan 講，不如將我個掛飾先送俾姨姨啦，叫佢下次先再買過第二樣嘢俾我。不過姨姨話唔好，送咗俾人嘅嘢唔可以攞番，叫佢唔好問我拎番喇，攪到我都唔好意思 o添，我係外人反而有禮物收。