今個月係媽咪嘅生日月份，同前幾年一樣，我都係再唔可以為佢做啲咩嘢，亦再唔能夠送禮物俾佢，唯一可以做嘅，就係將呢個送俾佢嘅 blog 重新粉色一番，希望佢會鍾意！
今次個主題顏色，我揀咗紫色同綠色，因為想配合番個 blog 嘅新 wallpaper，呢幅相係好友明仔之前喺濕地公園影嘅，我當初一睇到呢張相已經好鍾意。一來，當然係明仔影得好靚啦；二來，朵睡蓮嘅顏色又紫得非常之靚，加上蓮花同荷花都係佛教嘅象徵，所以我覺得好適合用嚟做呢個 blog 嘅 wallpaper，相信媽咪見到都會好鍾意。
之前我一早已經問明仔可唔可以將張相 send 俾我用嚟做 wallpaper，佢都即時一口答應，所以，我都要喺度再次同佢講聲多謝！
間中換下色人都精神D...張相邊個影話...哦..果條友仔呀...算啦..粗粗地用住先啦....當俾面佢啦.....
回覆刪除[版主回覆09/09/2010 01:54:00] 係呀，個 blog 即刻 fresh 好多，唔駛咁悶呀！ 哈哈，比起我影 嘅相， 果條友仔影 嘅已經靚我十萬倍，所以都唔算 "粗 粗 哋 " o架喇！
你真係好有心思呀！
回覆刪除[版主回覆09/11/2010 16:43:00] 咁我依家都無乜實際 嘅 嘢可以做到，咪唯有咁囉！
您媽媽一定很鐘意您送給她的禮物. 好有心思.
回覆刪除你媽媽實鍾意啦！但都唔可以對我父母都d乜架啦！但他們在天堂見到我們生活得好，他們都會開心.
回覆刪除[版主回覆09/11/2010 16:41:00] 係呀，我 哋 生活得好，佢就放心 o架喇！
D花好靚. 呢個禮物比媽咪.佢一定好開心
回覆刪除[版主回覆09/11/2010 16:40:00] 我都希望佢鍾意啦！