《七月大荳芽》

        早前有一段時間，我係喺「香港教師愛樂合唱團」度做助理指揮，因為當時我正係跟陳晃相老師學緊合唱指揮，所以陳老師就俾我一個好好嘅實習機會。當時都只係大約維持咗一年多時間，之後就無再去幫手喇，不過一直都有同團長 Caroline 保持聯絡。

        噚晚係 choir 一年一度嘅 annual concert，佢哋今次攪攪新意思，做咗場音樂劇，名為《七月大荳芽》。故事劇情同歌曲都係 base on《油脂》( Grease ) 而寫成，由老友 Li Kien 擔任合唱指揮、編劇及監製，仲請到 Cleave 擔任導演，整場 musical 氣氛好好，好熱鬧、好開心，歌曲都非常好聽。完本係 Caroline 俾飛我，邀請我去聽嘅，不過我就主動同佢講，有乜嘢需要幫手就開聲啦，所以最後我都無做座上客，入埋後台幫手控制 backdrop。

       Rehearsal 嘅時候，我影咗啲相同大家分享呀！

《七月大荳芽》場刊。

 

Li Kien 睇緊團員綵排。

 

佢手上嘅劇本。

 

監製同導演向團員做 briefing。

 

我負責嘅 backdrop。

 

導演 Cleave 都有份粉墨登場。

 

團員們個個都做哂 "影後"！

 

團長 Caroline 及副團長 Dickson 分別擔綱男女主角。 

 

男女主角第二個做形。

 

琴師 Cindy 同鼓手 Paktik。

 

Cleave 所飾演嘅 pop star "Michael 豬神"。

 

男女主角第三個做形。

 

演出之後，當然要影番張大合照啦！

 

我同 Li Kien。

 

再同 Li Kien & Caroline 影多張相。

 

當然都要同導演 Cleave 影番張相留念啦！

 

喺團員綵排時，我錄低咗短短幾秒片段，係我自己覺得 成套音樂劇氣氛最熱鬧嘅場景。

 

 

 

  P.S.  《七月大荳芽》喺大會堂劇院演出，原來隔離音樂廳咁啱係《演藝鋼琴精英籌款音樂會》，我知道 Miss Cheng 有份演出，於是我就即刻打個電話俾佢，同佢講聲 good show！到大家都演出完之後，我就同 Li Kien 一齊過去音樂廳後台搵 Miss 影相留念。