呢包係明符其實嘅意大利 pasta，係 Louisa 出 trip 去意大利
公幹時買返嚟㗎！我特別揀咗呢款，因為佢個形狀好似
用嚟舀蜜糖果枝木捧呀，所以我估呢隻意粉
應該可以黐到好多醬汁呢！
家姐呢樽自家出品嘅辣椒油就犀利囉，用條脷 "lam" 少少都辣到
飛起呀！Louisa 話淨係包辣椒籽都已經要成 $80 喇！係用
非洲當地最辣嘅辣椒做成，所以 Louisa
都話，呢隻
辣椒 "好毒" 㗎！！一次過食得多的話，
我諗個嘴唇一定變成孖膶腸呀！
Motonako A.，樽辣椒油吸唔吸引呢！！
加埋會好和味.....
回覆刪除[版主回覆07/03/2010 00:26:00] 哈哈，查實我等個講字 o架咋！
我簡直流晒口水喇.... 你真係好鬼衰架.......咁嚟引我！
回覆刪除[版主回覆07/03/2010 00:31:00] 嗱，咪話我唔夠老友喇，呢個 post 係明益妳 o架！當個樽蓋一打開，唔…………好香呀！！ 妳有冇興趣整呀？如果有我就問我個 friend 攞個食譜，之後 send 俾妳啦！我都知妳一路睇呢篇 blog 一路流口水 o架喇！
有冇人用辣椒油煮PASTA架?
回覆刪除[版主回覆07/03/2010 00:52:00] 唏，無咪自創囉，妳無睇馬浚偉個《大廚出馬》咩？有次佢請 Kit Mak 做嘉賓，煮 咗 個冬蔭功 carbonara o添啦！ http://mytv.tvb.com/foodandtravel/apprenticechef/107154/20#page-1 妳由 4'00" 開始睇啦！
作 C 呀你......咁嚟玩我！ 難唔難架.....知我幾忙同幾懶架喇！
回覆刪除[版主回覆07/03/2010 00:56:00] 我咁益妳，妳仲話我玩妳！ 我唔知難唔難整喎，要問一問樓下果位 Sa 姐先知呀，因為佢有份幫佢家姐手一齊整 o架！所以我都要多謝呢位 best friend 呀！
Motonako A 唔難架，不過要用D好既辣椒籽囉，我比Recipe你啦，send去邊? 我比咗d fd, 個個都話好正喎 ! 呵呵 !
回覆刪除[版主回覆07/03/2010 01:15:00] 都好喎，咁妳就直接 send 俾佢啦！