喺 Rachel's Kitchen 開放日見到有仙姐嘅 17 小時包包賣，Louisa 都知我一定會捧場，所以即刻同我講：「喂，有麵包呀，啱哂你呀！」哈哈，真係知我者莫若 Sa！
當日有幾種麵包可以揀，有油浸半乾番茄麵包、菠菜煙肉包等，其實真係想每隻都買嚟試，因為好難得可以試到仙姐親手做嘅麵包，但係因為星期一係初一，所以我就只好揀油浸半乾番茄麵包。
呢個番茄麵包淨係睇個樣都已經夠哂吸引。
返到屋企，打開個袋，嘩，果 "朕" 香味濃到呢 ……
真係口水直流呀！
17 小時麵包果然名不虛傳，真係非常軟熟，好有彈性，加埋
油浸番茄乾嘅獨有味道，真係又靚、又香、又好食！
有幸試到仙姐嘅 handmade 麵包，真係要多謝 Louisa，因為到最後佢都唔收我錢，真係要再次同妳講聲 merci！！
發達喇你........
回覆刪除[版主回覆07/14/2010 01:00:00] 咁駛唔駛即刻速遞一 嚿 過去俾妳試 吓仙姐 嘅手勢呢？我未食哂 o架！
多謝你嘅讚賞. 其實有呢個機會都係多得rachel.
回覆刪除[版主回覆07/14/2010 01:06:00] 仙姐妳呢個番茄包真係好香，好好食呀！ 我其實一早已經跟妳本書試整個白麵包吐司 o架啦，不過好似果日同妳講咁樣， 啲麵糰捲哂入部 food processor 度，我事後都攪 咗好耐，不過依家仲有好多乾麵糰 喺部機入面，仲多到搖得響，果 吓先抵死呀！ 聽聞用手搓又無可能，所以自此之後都無再試，有少少驚呀！所以我好想直接上妳堂學整呀！
試下自己整啦....
回覆刪除[版主回覆07/17/2010 18:32:00] 其實我之前都整個一次 17 小時包，不過因為個麵糰太濕，捲哂入部 food processor 度，到依家 啲麵糰都仲係 喺部機裡面 o架！但係用手搓又無可能，連仙姐都話唔得，所以可能我本書都只係買 嚟擺喇！