早前 blog 友 Keith 問我有冇試過 A1 Bakery 果個德國合桃提子稞麥包，睇個名，初時仲以為即係佢嘅至愛麵包，因為果隻叫做裸麥合桃提子包，後尾親身去過 A1 一趟，見到個德國合桃提子稞麥包嘅真身，原來同裸麥合桃提子包完全唔同，一睇個款我就知道呢隻應該比果隻更加吸引我。不過個價錢就一啲都唔吸引我囉！賣成 $36 一個，我覺得都幾貴呀，所以我都係等佢夜晚買唔哂時做優惠先再考慮。
點知，過多一個禮拜，我再去 A1 時，發覺喺「麵包優惠」果個 shelf 真係有呢隻包包做特價，半個買 $14 咋！咁就真係啱哂，唔單只有平包買，仲可以只係買半個嚟試食，真係正！
睇個樣就已經知道，呢個德國合桃提子稞麥包比裸麥合桃提子包
扎實好多。
包包裡面同樣有合桃及提子乾，不過個麵包扎實之餘，而且仲係用
酸種整，我諗 Keith 應該唔啱食，因為佢食慣軟包。
一向我都好鍾意喺 A1 買歐陸麵包食，因為佢係完全無蛋、
無牛油 o架，非常健康。
Keith，我諗你都唔駛再考慮呢個包啦，因為完全唔係你果杯茶囉！
其實你講0個2隻包有咩分別??????
回覆刪除睇落字面好似係一樣既材料??????
[版主回覆10/01/2010 16:59:00] 咪係囉，攪到我初時都誤會哂呀！德國果隻應該稞麥成份高好多，所以比較硬淨；而另一隻就應該少 啲稞麥，所以軟熟 啲。
都系軟包適合我，次次吃硬包吃到我啃死！
回覆刪除[版主回覆10/01/2010 16:56:00] 你係咪喉嚨肌肉彈性唔夠呀！ 沖杯咖啡或茶，一邊食、一邊飲嘛！
我又係裸麥合核提子包的超級擁躉, 好似逢星期一有特價, 不過唔知你有無留意, 逢親特價, 個包一定比平時細D。 我之前都好混淆這兩種包有什麼分別, 但見德國果隻咁貴都無興趣試。而且買親包的時候都人頭湧湧, 無時間去考慮 ! 咁你鐘意食邊隻呀?
回覆刪除[版主回覆10/02/2010 23:35:00] 我仲以為淨係我屋企附近果間 A1 先至會逢星期一個裸麥合核提子包做特價 o添，乜原來全港所有分店都同樣做特價 o架！我買過幾次特價包，都唔覺有細到喎，就算我老豆買返 嚟都無乜異樣喎！ 因為我比較鍾意食歐陸包果隻實淨硬包，所以我 prefer 德國稞麥包多 啲。妳留意 吓佢有冇做優惠囉 ( 我指 嘅係每日賣唔去時果隻特價，唔係每星期果隻例行特價呀！) 有的話咪豪一次試 吓囉！老實講，如果無特價我都唔會買 嚟試啦！
我附近果間A1賣唔晒都唔會平架, 夜晚九點幾落去買都執唔到平嘢! 而且我發現地區唔同, 同一種麵包, 訂的價格都有分別呀! 德國果隻又撞唔見有做特價, 所以未食過。
回覆刪除[版主回覆10/04/2010 19:09:00] 我屋企附近果間 A1 就唔一定係夜晚先做優惠，一早會有、中牛會有、晏晝或夜晚都有機會，乜包都會做，只要係仲有一日到期就會減價。