2011年7月7日星期四

銅鑼燒 Dorayaki

        冰格盒紅豆餡食極都食唔完,依家天氣又熱又濕,真係怕放喺櫃度包紅豆 "毆" 蟲,都係盡快食啲舊嘅再煮埋包紅豆佢喇!


        日首先整叮噹豆沙餅。



材料:
雞蛋              1 隻
蜂蜜              7 克
醬油              2 克
味醂              2 克
橄欖油          6 克
水                  30 克
低筋麵粉      25 克
泡打粉          1/4 茶匙
糖                  30 克
紅豆餡          90 克


- 先將雞蛋分開成蛋黃同蛋白;麵粉同泡打粉混合過篩 3 次。


- 蛋白用打蛋器拂至起泡,然後分次加入糖打成蛋白霜,之後放入雪櫃冷藏保存。


- 將蜂蜜、醬油同味醂加入蛋黃度,邊加油邊用打蛋器攪拌混合。


- 之後將水加入與蛋漿拌勻。


- 將粉類加到蛋漿,用打蛋器攪拌混合。


- 加少量蛋白霜到麵糊混合,再將剩餘蛋白霜倒入,用膠刮輕手拌勻。


- 燒熱平底鑊,將麵糊用匙羹勺入鑊,推開成約 5 厘米直徑,用慢火煎。


- 當麵糊煎到有小氣泡時,就可以反轉繼續煎。


- 另一面都煎熟後就可以盛起放上架上,用保鮮紙冚住保濕


- 煎餅攤凍後就可以勺上紅豆餡,再夾上另一塊煎餅即成。


以上材料份量可做直徑 6 厘米豆沙餅 6 個。


食譜出自《糕點教科書》。




原來呢個豆沙餅都唔易整,整咗六個都係得呢兩個較為似樣少少咋!


 



以為煎到好乾啦,點知又唔係喎,非常軟熟,可能係因為有蜜糖保濕之餘,
又用咗分蛋法去整,會比較鬆軟。


 


        學 Winnie 話齋,整一次真係好鬼嘥時間,煎好耐都唔覺有反應,校大火少少煎,諗住會快啲啦,點知又會燶,煎一塊都要用好多時間!企喺廚房度又攰又熱,激鬼氣,後尾直情將麵糊放咗入鑊之後就走出去練琴,無眼睇佢!! 相信之後都唔會再整喇!


Notes
- 材料中嘅水原食譜係牛奶。


- 紅豆餡可買現成品代替。


- 蛋白霜打好後放入雪櫃保存,可保持其穩定性,若果消泡的話,可用打蛋器再次拂
  打至挺身。


- 若紅豆餡比較乾身的話,可酌量加水拌至濃稠。


        你哋亦都可以喺 Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


6 則留言:

  1. 呢家野從來都唔食
    [版主回覆07/07/2011 00:29:00]         超,妳不 嬲 都練仙 o架啦!

    回覆刪除
  2. 咁 你係o米 好佩服我 仲可以整兩次呢 洛洛仲想我整第三次
    [版主回覆07/11/2011 01:39:00]         簡直甘拜下風 o添啦!         洛洛想食?叫佢自己煎啦!

    回覆刪除
  3. 曾經也很愛做這個, 還去買了烙印模, 但如你的經驗, 實在太花時間了,
    [版主回覆07/11/2011 01:41:00]        係囉,真係好 嘥 時間呀!妳仲專登走去買個烙印模,妳真係好有興緻喎!

    回覆刪除
  4. 紅色嘅甜品都唔 like.....
    [版主回覆07/11/2011 01:41:00]        咁攪笑,妳食甜品係食顏色?

    回覆刪除
  5. 咁啱嘅係所有紅色嘅甜品我都唔鐘意啫,紅豆莎...紅豆糕....
    [版主回覆07/11/2011 15:15:00]        咁講來講去都係紅豆 啫,咁用西瓜、士多啤梨、紅莓整 嘅甜品妳又食唔食 ?

    回覆刪除
  6. Pandora 香傭講法文2011年7月11日 下午4:11

    好煑意!!
    [版主回覆07/12/2011 01:34:00]       

    回覆刪除