南北杏雪耳桂花梨湯水

        早幾日雖然落咗幾日雨，但係都覺得好乾、好燥，一遇到呢啲情況，我就即刻會諗起雪梨糖水，因為覺得食完之後好滋潤、好舒服嘛！

        不過今日我就唔係用雪梨，而係用貢梨，再加埋桂花糖一齊煲，效果幾好，唔錯唔錯！

材料：
南北杏
貢梨
雪耳
冰糖
乾桂花
桂花糖

- 雪耳預先用水浸發，剪去底部後洗淨、剪碎，之後汆水去除 "噏" 味。

- 貢梨批皮、去芯後切粒；南北杏略為沖洗，備用

- 將以上 3 樣材料放入煲內、加水，煲滾後，依照真空煲用法處理好。

- 再次上火時，加入冰糖煮溶，之後加埋桂花糖。

- 最後加入乾桂花，煲多一陣間就完成。

加有桂花嘅糖水寧捨清香、清甜，配上一碗生炒糯米飯 ( 不過老抽
一下子落多咗，攪到勁深色 )，就係我同老豆今晚嘅晚餐。