椰香芋蓉西米露

        我一向都好鍾意食啲高澱粉質嘅食物，麵包、麵條、pasta 就唔駛講啦，就連蔬菜中嘅薯仔、番薯、芋頭、南瓜等等都一樣咁鍾意。今晚就用芋頭嚟煲西米露，真係既簡單，又好食。

材料：
芋頭
西米
冰糖
椰漿 

- 芋頭去皮、略沖洗，之後切粒備用。

- 煲滾水，將芋頭粒放落真空煲度煲熟。

- 西米處理好，待用。

- 將一半煮熟芋頭連水放入攪拌機內打成芋蓉，然後倒番入煲內。

- 另外用少量水將冰糖煮溶，之後連同已煲好嘅西米一齊倒落芋茸度煮番滾。

- 最後等糖水再次煲番滾後，加埋椰醬拌勻即成。

 

Notes：
- 將芋頭去皮時，記得唔好預先沖洗表面，因為咁樣做就會產生一種物質，令皮膚
  敏感而痕癢。

- 可參閱《利用真空煲煮好餸、煲靚湯！》正確使用方法。

- 處理西米方法，可參考《西米處理方法》。

- 冰糖最好另外用水煲成糖水後再倒落芋蓉度，因為芋蓉比較濃稠，如果將冰糖直
  接放入芋蓉內一齊煲，會無咁易煮溶。

 

- 煲芋蓉時記得不時攪拌，以免黐底。