你哋有冇留意到，今次份新年禮物係擺喺「消費撐經濟」而唔係「物重情更重」個 catagory 裡面呢？原因係今次呢份禮物係我買嚟送俾人，而唔係我收人禮物囉！送俾邊個？之唔係送俾 Louisa 囉！平時多數都係我收佢禮物，今次輪都輪到我送番禮物俾佢喇！
平時我都好少送禮物俾人，一來自己無乜心思，二來又怕送咗俾對方之後，對方會唔鍾意或者唔啱用，咁就變成垃圾，好無謂。但今次送呢份禮物俾 Louisa，我就送得好滿意、好開心喇，事關呢兩樣嘢都係 Louisa 一定會鍾意兼啱用嘅！點解咁肯定，因為早前同佢傾偈時佢漏咗口風囉，呵呵！
就係呢個煎 pan 同食譜喇！
之前喺佢屋企睇到本「無印良品」產品 catalogue，佢話俾我聽
想買呢個煎 pan 嚟整燒玉子，當時我就即刻諗到買嚟送俾佢
做新年禮物喇！
而呢本食譜係佢之前叫我幫佢買嘅。
原因係我之前同佢講過話我見到有本食譜，裡面有教整玻璃曲奇，
於是佢就叫我買返嚟睇吓，參考吓人哋個 recipe，咁我就順便
買埋返嚟當禮物送俾佢囉！
佢之前送俾我個 Le creuset grill pan 減咗價都要幾百蚊，相比之下，我呢兩份禮物真係名副其實嘅 "小小心意"，希望佢唔好介意兼喜歡喇！
呢個 pan 用嚟整日本卷蛋(蛋絲)好正架！ 我十幾年前喺日本巳經買咗...用到現在呀！
回覆刪除[版主回覆01/06/2010 17:58:00] 係呀，我個 friend 話下禮拜會整一次俾我睇喎！呢個 pan 簡直係日本仔度身訂做 嚟 整燒玉子。
請問本書喺邊到買到呢？ thanks!
回覆刪除[版主回覆01/06/2010 17:59:00] 我 喺將 軍澳間「Taste」買 o架！
原來你都係住係坑口? 本書幾好咁喎.
回覆刪除[版主回覆01/07/2010 00:17:00] 我唔係住坑口 o架，只不過係 喺果頭教琴 啫！ 係呀，本書有好多好特色、好外國 嘅糕餅食譜呀！
好多謝你就真啦! 我其實已經放棄咗買呢個PAN架啦，所以收到既時候真係超開心架 ! 本書我今日都由頭到尾睇咗一次，我好想試吓整CUP CAKE，因為好靚呀。
回覆刪除[版主回覆01/07/2010 00:23:00] 妳鍾意就好啦！我幾驚妳早我一步自己買 咗個 pan 呀！！ 係呀，我睇到本書裡面 啲 cupcake 真係好吸引，咁幾時整呀？妳快 啲 " 嬲 " Winnie 一齊整啦，佢實奉陪 o架！！
平時都唔覺Taste有書賣，我行開又一城果間咋，請問將軍澳果間，應該喺邊個mtr站落車呢？ thanks!
回覆刪除[版主回覆01/07/2010 12:44:00] 坑口東港城呀！不過我見到得番一本咋，要買就趁手啦！ 如果大型 Taste 有埋其他貨品 counter，好似 Lecreuset、象印、KAI等，咁就應該有埋書買喇，屯門果間都好似冇書賣啦！
都唔明點解又一城果間咁大都冇書賣，好緊張放工要即刻去先！喺呢？你有冇試整過？好味嗎？ thanks!
回覆刪除[版主回覆01/08/2010 16:09:00] 睇 嚟妳對個玻璃曲奇都好有興趣喎，老遠走到將軍澳買本書。 我同朋友都整過幾次玻璃曲奇，不過唔係用呢個食譜，係跟 Vanlily 個食譜整，妳都可以睇 吓我 哋整 嘅 玻璃曲奇 。
玉子燒, 係煎蛋的最高技巧喎, 軟滑, 鬆化, 千層, 多汁........相信你有更大回報.........口福了.
回覆刪除[版主回覆01/08/2010 16:11:00] 哈哈，睇 吓下 星期係咪真係有回報先！
哩個pan整蛋卷必備, 你快啲整嚟試吓啦
回覆刪除[版主回覆01/08/2010 16:13:00] 睇 吓我個 friend 記唔記得做 demo 俾我睇，好緊張呀！
謝謝你！本書以經買左Lu! 哈哈！我以為本書好似本雜誌咁大！死命搵成個儍婆，最後搵到開心到飛起，我唔單止對曲奇有興趣，cupcake都喜愛！ thanks!
回覆刪除[版主回覆01/08/2010 17:25:00] 嘩，真係俾妳買到喎，不枉妳長途跋涉咁入去買呀！ 係呀，我個 friend 睇完本書都話 啲 cupcake 好靚，好吸引呀！咁 妳快 啲郁手整啦！
好期待玉子燒. 本人超愛吃呀^^
回覆刪除[版主回覆01/11/2010 13:19:00] 咁妳自己識唔識整？
好耐試過, 但失敗左vv
回覆刪除