西米處理方法

        好多時整甜品都會用到西米，好似西米露、焗西米布甸、西米糕等等，但係處理西米都有少少技巧㗎！煮得唔夠時間，西米未熟透，中心仲係好硬；煮得過火，西米又會變得過腍，甚至煮溶！所以我都想喺度同大家分享吓點樣處理西米，其實方法都係媽咪教我嘅。
 
 

西米放入篩內，用水略沖洗。

 
 
 
 
 
 

先煲滾水，放入西米，其間不時攪拌。

 
 
 
 
 
 

煲約 5 分鐘，當西米變成透明，但中心仲留有一點白時，

就可以熄火，西米繼續留番喺煲內，冚好煲蓋，

將西米焗熟，之後就用篩將水隔去。

 

 

 

 

 

 

之後將篩連西米放喺水龍頭下，開水喉

沖水，將西米過水至清爽。

 

 

 

 

 

 

啲西米可以用嚟整嘢食喇！