2010年1月5日星期二

新年禮物:燒玉子煎 pan & 杯子蛋糕、曲奇食譜

        哋有冇留意到,今次份新年禮物係擺喺「消費撐經濟」而唔係「物重情更重」個 catagory 裡面呢?原因係今次呢份禮物係我買嚟送俾人,而唔係我收人禮物囉!送俾邊個?之唔係送俾 Louisa 囉!平時多數都係我收佢禮物,今次輪都輪到我送番禮物俾佢喇!


        平時我都好少送禮物俾人,一來自己無乜心思,二來又怕送咗俾對方之後,對方會唔鍾意或者唔啱用,咁就變成垃圾,好無謂。但今次送呢份禮物俾 Louisa,我就送得好滿意、好開心喇,事關呢兩樣嘢都係 Louisa 一定會鍾意兼啱用嘅!點解咁肯定,因為早前同佢傾偈時佢漏咗口風囉,呵呵! 



就係呢個煎 pan 同食譜喇!


 



之前喺佢屋企睇到本「無印良品」產品 catalogue,佢話俾我聽
想買呢個煎 pan 嚟整燒玉子,當時我就即刻諗到買嚟送俾佢
做新年禮物喇!


 



而呢本食譜係佢之前叫我幫佢買嘅。


 



原因係我之前同佢講過話我見到有本食譜,裡面有教整玻璃曲奇,
於是佢就叫我買返嚟睇吓,
參考吓人哋個 recipe,咁我就順便
買埋返嚟當禮物送俾佢囉!


 


        佢之前送俾我個 Le creuset grill pan 咗價都要幾百蚊,相比之下,我呢兩份禮物真係名副其實嘅 "小小心意",希望佢唔好介意兼喜歡喇!


11 則留言:

  1. 呢個 pan 用嚟整日本卷蛋(蛋絲)好正架! 我十幾年前喺日本巳經買咗...用到現在呀!
    [版主回覆01/06/2010 17:58:00]        係呀,我個 friend 話下禮拜會整一次俾我睇喎!呢個 pan 簡直係日本仔度身訂做 嚟 整燒玉子。  

    回覆刪除
  2. 請問本書喺邊到買到呢? thanks!
    [版主回覆01/06/2010 17:59:00]        我 喺將 軍澳間「Taste」買 o架!

    回覆刪除
  3. 原來你都係住係坑口? 本書幾好咁喎.
    [版主回覆01/07/2010 00:17:00]        我唔係住坑口 o架,只不過係 喺果頭教琴 啫!         係呀,本書有好多好特色、好外國 嘅糕餅食譜呀!

    回覆刪除
  4. 好多謝你就真啦! 我其實已經放棄咗買呢個PAN架啦,所以收到既時候真係超開心架 ! 本書我今日都由頭到尾睇咗一次,我好想試吓整CUP CAKE,因為好靚呀。
    [版主回覆01/07/2010 00:23:00]         妳鍾意就好啦!我幾驚妳早我一步自己買 咗個 pan 呀!!         係呀,我睇到本書裡面 啲 cupcake 真係好吸引,咁幾時整呀?妳快 啲 " 嬲 " Winnie 一齊整啦,佢實奉陪 o架!!

    回覆刪除
  5. 平時都唔覺Taste有書賣,我行開又一城果間咋,請問將軍澳果間,應該喺邊個mtr站落車呢? thanks!
    [版主回覆01/07/2010 12:44:00]        坑口東港城呀!不過我見到得番一本咋,要買就趁手啦!        如果大型 Taste 有埋其他貨品 counter,好似 Lecreuset、象印、KAI等,咁就應該有埋書買喇,屯門果間都好似冇書賣啦!

    回覆刪除
  6. 都唔明點解又一城果間咁大都冇書賣,好緊張放工要即刻去先!喺呢?你有冇試整過?好味嗎? thanks!
    [版主回覆01/08/2010 16:09:00]        睇 嚟妳對個玻璃曲奇都好有興趣喎,老遠走到將軍澳買本書。         我同朋友都整過幾次玻璃曲奇,不過唔係用呢個食譜,係跟 Vanlily 個食譜整,妳都可以睇 吓我 哋整 嘅 玻璃曲奇 。

    回覆刪除
  7. 玉子燒, 係煎蛋的最高技巧喎, 軟滑, 鬆化, 千層, 多汁........相信你有更大回報.........口福了.
    [版主回覆01/08/2010 16:11:00]        哈哈,睇 吓下 星期係咪真係有回報先!

    回覆刪除
  8. 哩個pan整蛋卷必備, 你快啲整嚟試吓啦
    [版主回覆01/08/2010 16:13:00]        睇 吓我個 friend 記唔記得做 demo 俾我睇,好緊張呀!

    回覆刪除
  9. 謝謝你!本書以經買左Lu! 哈哈!我以為本書好似本雜誌咁大!死命搵成個儍婆,最後搵到開心到飛起,我唔單止對曲奇有興趣,cupcake都喜愛! thanks!
    [版主回覆01/08/2010 17:25:00]         嘩,真係俾妳買到喎,不枉妳長途跋涉咁入去買呀!         係呀,我個 friend 睇完本書都話 啲 cupcake 好靚,好吸引呀!咁 妳快 啲郁手整啦!

    回覆刪除
  10. 好期待玉子燒. 本人超愛吃呀^^
    [版主回覆01/11/2010 13:19:00]        咁妳自己識唔識整?

    回覆刪除
  11. 好耐試過, 但失敗左vv

    回覆刪除