2010年8月18日星期三

Aceto Balsamico di Modena

        睇見 topic 個幾個意大利文,估唔估到點解呢? Aceto 即係 vinegar;Balsamico 即係 balsamic;di 即係 of;Modena 係意大利一其中一個地方,咁所以 Aceto Balsamico di Modena 嘅意思係 Balsamic vinegar of Modena,即係 Modena 出產嘅意大利陳醋囉!

        因為一直都有諗住買 Balsamic vinegar,所以都有喺 「Taste」留意過。其實有平有貴,價錢真係可以相差好遠,由三十零蚊到三百幾蚊支都有!不過我留意到一樣嘢,不論價錢平貴,原來好多時 Balsamic vinegar 都會落色素,一睇到個 ingredient 有用到色素,我就即刻放低!由細到大,我都好怕有色素嘅食物。

        千挑萬選,最終我就睇中咗呢隻牌子: 



對於我講,呢支陳醋價錢比較合理同相宜,$42.9 / 250 ml。

 






        其實我做好哂 research 之後,就已經決定買呢支陳醋,因為無用色素之餘,仲係用有機提子釀造,而且 blog 友毛豆話 Modena 出產嘅陳醋係最靚。當時售價係 $39.9,不過諗住未需要用到就唔買住,點知到我想買時,突然咁多間「Taste」同「百佳」都斷咗貨,咁之後等咗幾個月,卒之有番貨,不過已經係賣 $42.9,咁都無辦法啦,要用就要買,都係貴$3 !點知,過咗大約一個月後嘅今日,已經 "標" 到五十幾六十蚊支,嘩,搶咩,咁短時可以加到咁犀利,真係人都癲!!好彩之前買咗咋

        睇嚟,收藏陳醋都係一種投資!

2 則留言:

  1. Balsamic Vinegar 用嚟整沙律一流呀!算平喇....呢边靚啲都要二十蚊枝架!
    [版主回覆08/21/2010 18:36:00]        過百蚊枝!?已經係貴價上等貨 吓嘛!         我都好想試整沙律呀,不過香港 啲沙律菜真係好貴,成包垃圾咁都買成三十幾四十蚊包,好似唔係好值咁!

    回覆刪除
  2. 4 個意大利文我只猜中一個, i.e. Balsamico = balsamic, 只因串法差不多一樣.  多謝好介紹.  等我遲些都去買枝 $42.9 試用吓先.  如果用比較便宜的 balsamic, 我有時會把它用細火reduce 到比較杰才用.  這樣它會濃味些, 香些.
    [版主回覆08/21/2010 18:33:00]        咁妳都好好 o架喇!         煮到濃先用呀?咁用貴 嘢整真 係有少少浪費呀!

    回覆刪除