今日 Miss Cheng 飛去上海參觀世博，所以唔駛去教 Aaron 樂理，另外佢個學生今日又唔得閒上 aural，所以今日去中心教之前變得好得閒。見有時間，就試吓整瑞士卷，因為上次整完意式芒果雪糕之後，再無用過盒淡忌廉，依家天氣咁熱，我怕擺喺雪櫃都好易變壞，都係盡快銷埋佢隱陣啲！
可惜個蛋糕一捲起就已經裂咗喇！！
其實一直我都想睇咗 Louisa 整一次先，不過佢成日都周身唔得閒，咁咪為有自己試吓，摸索吓囉！睇嚟都係要睇佢整一次先得喇！
原本都抆咗好多 cream o架，不過一捲起就唧番哂出嚟，激死人！但味道都唔錯喎，個 cream 我落咗橙酒同柑桔糖醬落去打，幾好味。
Louisa，快啲做 demo 俾我睇呀！！！！
加油！！ 不好看，那其实这蛋糕好不好吃呢？？
回覆刪除[版主回覆08/15/2010 17:03:00] 味道 OK o架，蛋糕都好鬆軟。
你唔連張紙一齊卷既....
回覆刪除[版主回覆08/15/2010 17:05:00] 連張紙一齊捲！？咁咪會黐哂 啲 cream 囉？
我上次卷一個....直情斷左成為2片..
回覆刪除[版主回覆08/15/2010 17:05:00] 咁又唔會咁嚴重呀！？
我都整過一次瑞士卷,真係好鬼難卷的,都有少少裂~
回覆刪除[版主回覆08/15/2010 17:06:00] 係啦，聽過好多 blog 友都話一捲就裂喇，點知到自己捲都係同一命運！
我整過1次都有裂，但切件後又唔太覺。
回覆刪除有冇買孟老師呀，有dvd架
[版主回覆08/15/2010 17:09:00] 好似整嚫卷蛋都要睇孟老師先至掂咁喎！
又確實卷得幾樣衰噃！
回覆刪除[版主回覆08/15/2010 17:10:00] 喂，雖然係捲得樣衰，但係妳都唔駛咁直接踩我呀！！ 話哂人家都係第一次捲喎，俾 啲鼓勵都好 啩，死 嘢！
我都想知點解咁易爆既.
回覆刪除[版主回覆08/15/2010 17:11:00] 係啦！真係激死人呀！
可能太乾? 係喎一般會連埋張紙捲
回覆刪除[版主回覆08/15/2010 17:15:00] 唔乾 o架，好軟熟、好柔軟呀，我懷疑可能就係軟過頭！ 其實你 哋所謂連紙一齊捲係咩意思？抹好哂 cream 都連紙捲？咁咪黐住哂 啲 cream 囉！？我其實係一路捲，一路將張紙移開，已經事先睇過 Youtube 啲 video 先夠膽整 o架喇！
係呀一路捲, 捲到張紙掂倒另一邊既蛋糕/cream就移開, 最後外皮連埋張紙一齊捲實佢雪一陣, 我上堂o個陣就用保鮮紙同木棍幫忙既
回覆刪除[版主回覆08/15/2010 19:03:00] 我都係咁樣捲呀！
我用開蔡師奶既戚風譜, 又用過工聯既海綿譜都ok, 仲有b女既多蛋黃譜, 仲有廚房男既 你可以 參考下 ^^ 有人話熱既時候捲一捲 有人就話放涼晒先
回覆刪除[版主回覆08/15/2010 19:06:00] " 有人話熱既時候捲一捲，有人就話放涼晒先 " 真係都唔知聽邊個先 啱！ 得閒慢慢研究 吓 唔同 嘅食譜先！多謝哂妳呀！
其實好似你咁裂少少, 如果連保鮮紙一齊雪可能救得返
回覆刪除[版主回覆08/15/2010 19:11:00] 救得番咁神奇？
扎得緊可能ok架
回覆刪除[版主回覆08/17/2010 07:39:00] 我又唔敢扎咁緊喎， 啲 cream 依家都已經唧 咗唔少出 嚟呀！
要聽假話？？？咁边樹會有進步架？？？ 講出真相先叫做鼓勵吖嘛....你都唔係路嘅！
回覆刪除[版主回覆08/17/2010 07:37:00] 喂，大姐，鼓勵說話點同假話呀！！妳先唔係路呀！
咁又係喎我都有呢個問題 應該捲既時候唔好大用架, 不過最後保鮮紙O係外圍扎緊D
回覆刪除[版主回覆08/21/2010 19:16:00] 呢個卷蛋真係考起好多人呀！
做捲蛋要幾大隻盆架, 我個細爐隻盆得22x25cm, 有冇得玩呀?
回覆刪除[版主回覆08/28/2010 16:27:00] 差唔多啦，如果有剩咪倒入紙模焗熟佢囉！