2011年7月18日星期一

紅咖喱雞薄餅 Red Curry Chicken Pizza

        又係清貨時間,用埋放冰格樽紅咖喱醬,不過又唔想就咁用嚟煮餸咁普通,一於攪攪新意思,用佢嚟整 pizza



麵糰材料:
高筋麵粉                195 克
水                            105 克
即用酵母                 2 克
糖                            10 克
鹽                             2 克
橄欖油                    10 克
粟米粉                    適量


餡料:
雞扒                         1 塊
金不換                     適量
紅咖喱醬                 適量
粟粉                         少許
Mozzerella 芝士      適量


醃料:


紹酒
胡椒粉


- 除橄欖油同粟米粉外,將所有麵糰材料混合搓至起筋,之後加入橄欖油搓成麵糰。

- 面灑上乾粉,將麵糰放上,繼續搓揉及摔打成光滑麵糰。


- 將麵糰滾圓,放入已灑粉內,好保鮮紙,發酵 40 分鐘。


- 雞扒洗乾淨、去皮,切去多餘脂肪後切粒,用醃料醃好;金不換洗乾淨,備用。


- 將麵糰排氣,之後再次滾圓,同樣放入兜內並好保鮮紙,鬆弛 20 分鐘。


- 燒熱油,爆香咖喱醬,之後加入雞肉略炒至五成熟,盛起。


- 咖喱醬留煲內,加入小量水煮開,之後加入粟粉水煮至濃稠。


- 麵糰再次排氣,並用麵棍薄成圓形麵皮。


- 雙手拎起麵皮,一邊轉動、一邊將麵皮拉闊、擴大。


- 將麵皮放上已掃油及灑上粟米粉烤盤上,然後用手將麵皮向烤盤四周推開。


- 麵皮最外圍約 1 厘米闊位置掃上橄欖油。


- 將咖喱醬放上麵皮中間,然後用匙羹以劃圓圈方式將咖喱醬搽勻。


- 放上部份芝士,之後放上其餘餡料,最後再次灑上芝士。


- 將烤盤放入已預熱至 200 °C 焗爐內焗 15 - 20 分鐘即成。


以上材料份量可做直徑 10 吋薄餅一個。



辣辣紅咖喱,再加上金不換獨有嘅香氣,
營造出一個東南亞風味 pizza。


 



食完又辣又濃味pizza,食番碗冰涼嘅西米綠豆沙,爽呀!!


Notes:
- 於烤盤上灑上粟米粉,除可做到防黏之外,亦可令到批底更加香脆。

- 麵皮邊緣掃油,可以令到薄餅邊香脆,所以切勿將紅咖喱醬搽埋上去。



        你哋亦都可以喺
Facebook Fans Page 度搵我 o架,我間小店叫做 La Cucina di Kestrel 呀,快啲 click 入去做我個 fans


3 則留言:

  1. 咖哩+芝士, 正到冇朋友啦...整大大個黎....冰凍綠豆薏米糖水我家都有
    [版主回覆07/20/2011 01:03:00]        我初時仲 諗 住咖喱加芝士會唔會好怪,但點知食落又 OK 喎!好,我依家成個飛過 嚟,接住喇……我嘿!         我 嗰個係西米,唔係薏米呀,如果用薏米整,我怕我會受唔到!上次我食完 Gado-Gado 都痾呀,我估個元凶係生椰菜或者芽菜!

    回覆刪除
  2. 咖哩 pizza 真抵C 呀!
    [版主回覆07/20/2011 15:33:00]        點抵死法呀? 但係 啱妳口味喎!

    回覆刪除
  3. 好忙咩? 仲未有新嘢食嘅?
    [版主回覆07/24/2011 13:13:00]        有 o架喇,有 o架喇,等住今晚流口水啦!

    回覆刪除