今晚老豆唔喺度食飯，咁我咪又可以做 "實驗"！哈哈，好，就決定整 Pizza 啦！
因為係實驗品，所以做得好求其，最主要都係想睇吓可唔可以做到個鬆軟厚批底啫！最終都成功做到啦，你哋覺得點呀？
我當然覺得 OK 啦！Pizza 個邊焗得好香口，有少少脆；成個批底都好鬆軟，簡直可以用海綿嚟形容
因為係做實驗，所以無正式整個茄醬，只係搽咗啲千島醬上去上面，灑上 Oregano 香草，再放上香腸片就算數。試過今次成功，下次就會正正式式整番個茄醬，仲會加埋 Mozzarella Cheese o添！為咗整呢個薄餅，攪到我成 10:30 pm 先有得食。
識得整，以後就唔駛出去 "乞" 食喇！明無？
P.S. 因為實在太求其喇，所以唔出食譜，到下次認認真真再整時先打個食譜啦！
仲有，最開心嘅唔係整到果 Pizza，而係之前整法包仔時用剩嘅酵母，到依家仲咁活躍，睇番個日字原來已經係 4月果陣時 o架啦！咁即係証明可以放入冰箱度一段時間都無所為啦！
第日唔洗買BREAD個早餐LU
回覆刪除[版主回覆06/13/2009 14:43:00] 咁又唔咪喎，徒手搓粉係麻煩兼辛苦 o架，所以唔係日日精神狀態都可以好到搓包，所以依家夢想有日買 KA / KMix 囉，嘻嘻！
我就覺得似老Mac個豬柳漢堡, but你係腸仔漢堡,不過,都好似幾好食咁喎, 幾時整黎食吓 ?
回覆刪除[版主回覆06/19/2009 01:17:00] 咁妳搵到次星期二唔駛返工，咁咪買定高筋粉上妳屋企一齊整囉，一定要即整即食先好食 o架！我其實整 咗兩個，另一個放 咗入雪櫃， 第二日拎番出 嚟焗都無咁正啦！