我不嬲都勁鍾意食桂格嘅燕麥方脆，朝早加豆漿或鈣思寶做早餐，有時有加埋乳酪一齊食，甚至就咁當零食食都一樣好味，試過一路上網一路食，不知不覺就食咗半盒！
最近就出咗兩隻新口味，就係楓糖味同肉桂味，我就梗有買嚟試啦！
隻楓糖味原本一食落口好正、好香，因為從未食過楓糖，所以感覺好新鮮，但係食食吓就越食越濃，仲好似好 "假" 咁，睇番個成份表，原來有用到 artificial favor ( 人工味道 )，唔怪得之啦！所以唔我會推介俾大家。
至於另外果隻肉桂味就 mild 得多，對於我呢個 "肉桂精" 就梗係正啦，不過我今次都好醒，食之前已經睇吓有冇 artificial favor，呢盒就無加到 (希望無眼大睇過龍喇)！我依家都係一路寫 blog，一路 "脆卜卜" 緊 o架！
所以我只會買番原味同肉桂味囉！
個女鐘意加落雪糕度(其實佢只係成日乘機食雪榚)
回覆刪除[版主回覆06/19/2009 01:45:00] 咁妳用佢 嚟整雪糕 咪仲好！ 妳又話買 乳化劑整蒸蛋糕 嘅？最終有冇整到呀？我去過凱施度睇過個芙蓉蛋糕，我覺得好貴呀，真係買唔落手！不過我輕輕點過佢，真係好鬆軟呢！
其實我有個都同我唔熟既親戚 (家姐個契姐個仔)曾經做過餅師(聖安娜)，佢而家係打理幾間小型餅店，真係唔好意思叫家姐問下佢識唔識，一黎人地又唔係凱詩師傅。
回覆刪除其實黑糖糕蒸蛋糕本書好多食譜製品幅相都係好實咁呀!(可能蒸同焗既分別啦!)
係呢! 亞堅本麵包書開始整味呀? 今日試左香橙朱古力麵包，我同橙青代替蜜餞橙皮，好正呀! 焗緊途中打開門鋪張鍚紙時有陣好香橙味公出黎呀。連唔鐘意食橙皮JAM 其亞女都話好味 ，下次試下用柚子蜜代橙皮占先。
死啦!成日整麵包打發時間，一出爐就隊番一兩個，食到肥到死要放棄著牛仔衭，著親都係有彈性質地。
[版主回覆06/24/2009 00:33:00] 其實都無所謂 啫，叫妳家姐當傾閒謁時，傾開咪搭嘴問囉！ 其實我買 咗仙姐本書到依家都唔敢整，有 blog 友話17小時麵包係中級經驗者整 嘅，又有 blog 友話做好用KA 做，會方便好多！妳係徒手搓定用機攪 o架？