潮州魚蛋紫菜湯

        今晚整完排骨菜飯之後，仲有清雞湯剩，包裝盒上又寫住要 5 日內用完，最方便、最快手嘅方法就係要嚟滾湯囉！

材料：
紫菜
蟹柳
潮州魚蛋
冬菜
清雞湯

- 紫菜先浸水，之後洗淨備用。

- 蟹柳、魚蛋同冬菜略為沖洗；蟹柳切段備用。

- 保滾清雞湯後，加入魚蛋，等到魚蛋開始漲大時，就落埋其餘材料落煲，湯一滾就
  攪掂。

 

P.S.  原本諗住買魚扎嘅，點知原來夏天係無魚扎賣，因為怕天氣太熱，容易變壞 ，所以唯有改用蟹柳囉！今日真係都唔知做乜事，買乜冇乜，買魚扎無魚扎；想買小棠菜，行勻成個街市都只係得兩檔有得賣，平時唔食唔用果陣就檔檔都有得賣；連蒜頭咁普通嘅嘢，買開個檔菜檔都話無，"咩樹" 呀今日！！！！